भगवानबाबासांरखे संते होते, जे शैक्षणिक, संस्कृतिक प्रबोधन करत होते असे लोक नेहमीच वंदनीय आणि आदरणीय आहेत. वंजारी समाज कष्टाळू नाही, आळशी आहे तरीही त्यांना फायदा दिला जातो, असं मी एक चकार शब्दानेही म्हटलं नाही. पण माझा त्यातील उल्लेख काढून समाजाता चुकीचं पसरवलं जात आहे. हे काम यांचे कार्यकर्ते करत आहेत. वंजारी समाजाची उच्चपदावरची माणसे परळीमध्ये का? शासनाचे काही नियम आहेत. पदभरती कशी होती यावर अनेक लोकांनी लढे दिलेत. वंजारी समाजाचा धनंजय मुंडे आणि पंकजा मुंडे यांच्याकडून वापर होत आहे. मी शिक्षक भरतीचा विषय काढल्यावर ते प्रकरण बाहेर येईल म्हणून त्यांनी संपूर्ण फौज माझ्या मागे लावली. नरेंद्र सांगळे नावाच्या व्यक्तीने धमकी दिली असून माझा नंबर सोशल मीडियावर टाकत अत्यंत खालच्या भाषेत माझ्याबाबत कमेंट केल्या. त्यानंतर सुनील फड या कार्यकर्त्याने अश्लील भाषेत माझ्यावर कमेंट केली. मला दिवसाला ७०० ते ८०० फोन येत आहेत. माझा स्कुबा डायव्हिंगचा फोटो त्यांनी पोस्ट करत घाणेरडी कमेंट केल्याचं अंजली दमानिया यांनी म्हटलं आहे.

संतोष देशमुख यांच्या हत्या प्रकरणाच सीआयडी आणि एसआयटी चौकशी नेमली ती धूळफेक असून दुसरं तिसरं काही नाही. बीड जिल्ह्यातील पोलिसांकडे जर तुम्ही एसआयटी देत असाल तर ते काय खाक चौकशी करणार आहेत. कारण गेले कित्येक वर्षे ते त्यांच्या बरोबर आहेत. वाल्मिक कराडला नमस्कार करणारी आहेत, अशी माणसं कराडविरोधात चौकशी करू शकत नाहीत. जिल्ह्याबाहेरची माणसं आणा जमलं तर राज्याबाहेरची आणा. कोणत्याही परिस्थितीत ही एसआयटी बरखास्त करण्यात यावी, आम्ही ही चौकशी करू देणार नाही. वाटल्यास महाराष्ट्रातून आंदोलन उभं करू आणि मंत्रालयावर आणणार असल्याचा इशाराही अंजली दमानिया यांनी दिला आहे.