सध्या उद्धव ठाकरेंना झेड दर्जाची सुरक्षा आहे. त्यांच्या सुरक्षेसाठी मुंबई पोलीस तैनात असतात. पोलीस सुरक्षा तैनात असताना आता ठाकरेंना खासगी सुरक्षादेखील असेल. गेल्याच वर्षी मातोश्रीवरील सुरक्षेत कपात करण्यात आली. त्यामुळे मातोश्रीवरील पोलीस बंदोबस्त काही प्रमाणात घटला. आता त्यांची जागा खासगी सुरक्षा रक्षक घेतील. ठाकरेंना खासगी उद्योग समूहाकडून ८ सुरक्षा रक्षक पुरवण्यात आलेले आहेत.
डॉक्टरकडून टिप, पुण्यात धाड, सरपंचांच्या हत्येचा मास्टरमाईंड गजाआड; घुलेच्या अटकेचा थरार
उद्धव ठाकरेंच्या घराजवळ हल्ला करण्याचा कट रचला जात असल्याचा एक फोन गेल्या वर्षी आला होता. मुंबई पोलिसांच्या नियंत्रण कक्षाला आला होता. त्यानंतर मातोश्रीवरील सुरक्षा वाढवण्यात आली. २०२३ मध्ये ठाकरेंना असलेली झेड प्लस सुरक्षा कमी करण्यात आली. त्यानंतर आदित्य ठाकरेंनी केंद्र सरकारवर शाब्दिक हल्ला चढवला होता.

आदित्य ठाकरेंनी केंद्र सरकारवर टीका केल्यानंतर मुंबई पोलिसांकडून स्पष्टीकरण देण्यात आलं. ठाकरेंची सुरक्षा कमी केलेली नसून त्यांच्या ताफ्यातील अतिरिक्त वाहन हटवण्यात आलं आहे. ठाकरे मुख्यमंत्रिपदावरुन पायउतार झाल्यानंतर त्यांच्या ताफ्यामधून प्रोटोकॉल वाहनं हटवण्यात आली असल्याचं पोलिसांकडून सांगण्यात आलं.
बीड प्रकरण: ३ जणांना १४ दिवसांची कोठडी; सरकारी पक्षाचा जोरदार युक्तिवाद, CMचा शब्द खरा ठरला
ठाकरेंनी खासगी सुरक्षा घेतल्यावरुन शिवसेनेचे नेते आणि मंत्री भरत गोगावले यांनी त्यांच्यावर टीका केली. ‘ठाकरेंच्या सुरक्षेसाठी मुंबई पोलीस तैनात आहेत. पण तरीही ते खासगी सुरक्षा घेतात, याचा अर्थ त्यांचा मुंबई पोलिसांवर विश्वास नाही,’ अशा शब्दांत गोगावलेंनी ठाकरेंवर शरसंधान साधलं.

उद्धव ठाकरेंच्या पत्नी रश्मी ठाकरे आणि त्यांचे चिरंजीव आमदार आदित्य ठाकरेंना वाय प्लस दर्जाची सुरक्षा आहे. तर आदित्य ठाकरेंचे बंधू तेजस ठाकरेंनादेखील वाय प्लस दर्जाची सुरक्षा आहे. ठाकरे कुटुंब वांद्रे पूर्व येथील कलानगरात वास्तव्यास आहे. मातोश्री बंगल्यात ठाकरे कुटुंब राहतात. मागील अनेक वर्षे हा बंगला राजकीय घडामोडींचा केंद्रबिंदू राहिलेला आहे.