रावेर आगारातील कर्मचाऱ्यांच्या मनमानी कारभाराबाबत आणि शालेय विद्यार्थ्यांना…वेळेवर बस न मिळण्याच्या अनेक तक्रारी आमदार अमोल जावळे यांच्याकडे प्राप्त झाल्या होत्या. या तक्रारींची तात्काळ दखल घेत आमदार जावळे यांनी सायंकाळी रावेर बसस्थानकावर भेट दिली. तिथे त्यांनी प्रवासी आणि विद्यार्थ्यांशी संवाद साधला. त्यांनी समस्या जाणून घेतल्या.बस स्थानकाच्या परिसरातील प्रसाधन गृह, आराम कक्ष आणि कर्मचाऱ्यांचे सुविधा कक्ष तपासले. आगार व्यवस्थापक इम्रान पठाण यांना लगेच आवश्यक सुधारणा सुचविल्या. याच दरम्यान, एक कर्मचारी बसस्थानकात थुंकताना दिसला. हे लक्षात येताच जावळे यांनी त्याला थांबवून सर्वांसमोर फटकारले. काही क्षणातच एका कर्मचाऱ्याने इतर कर्मचाऱ्याला माफी मागायला लावली. या घटनेवर बसस्थानकावर उपस्थित प्रवाशांमध्ये चर्चा सुरू होती.