मस्साजोगचे सरपंच संतोष देशमुख यांच्या हत्या प्रकरणी बीडमध्ये सर्वपक्षीय आक्रोश मोर्चा काढण्यात आला आहे. या मोर्चाला लोकांनी मोठी गर्दी केल्याचे बघायला मिळतंय. हेच नाहीतर राज्यातील मोठे नेते मोर्चात सहभागी झाले आहेत. सरपंच संतोष देशमुख यांच्या हत्येनंतर अनेक गंभीर आरोप हे केले जात आहेत.
संतोष देशमुख यांच्या हत्येनंतर धनंजय मुंडे यांच्या मंत्रिपदाच्या राजीनाम्याची सातत्याने मागणी केली जातंय. अंजली दमानिया यांनी थेट म्हटले की, धनंजय मुंडे यांना राजीनामा देण्यास आम्ही भाग पाडू. वाल्मिक कराड यांच्याही अटकेची मागणी सातत्याने केली जातंय. संतोष देशमुख यांच्या मारेकऱ्यांना सोडले जाणार नसल्याचे अगोदरच मुख्यमंत्री देवेंद्र फडणवीस यांनी विधान परिषदेमध्ये स्पष्ट केले.
अंजली दमानिया यांचे मोठे विधान, म्हणाल्या, धनंजय मुंडे यांना मंत्रिपदाचा राजीनामा देण्यासाठी भाग पाडू…आक्रोश मोर्चाच्या पार्श्वभूमीवर पोलिसांचा मोठा बंदोबस्त बघायला मिळतोय. वाल्मिक कराड यांच्या पत्नी यांची काल सीआयडीकडून दोन तास चाैकशी करण्यात आलीये. संतोष देशमुख यांच्या हत्येला आता 19 दिवस पूर्ण झाली आहेत. संतोष देशमुख यांचा मुख्य मारेकरी पोलिसांच्या ताब्यात आहे. इतर अजूनही फरार आहेत. आरोपींच्या अटकेसाठी आणि संतोष देशमुख यांना न्याय मिळून देण्यासाठी आज बीडमध्ये मोर्चा काढण्यात आलाय.
मनोज जरांगे पाटील यांनीही सकाळी मराठा समाजाला मोर्चात जास्तीत जास्त संख्येने सहभागी होण्याचे आव्हान केले. एकही मराठा घरी दिसता कामा नये, असे त्यांनी म्हटले. सुरेश धस यांनी संतोष देशमुख यांच्या हत्येनंतर काही गंभीर आरोप केले. बीडमध्ये काढण्यात आलेला हा मोर्चा जिल्हाधिकारी कार्यालयापर्यंत जाणार आहे. शरद पवार यांनी देखील या संतोष देशमुख यांच्या कुटुंबियांची भेट घेतली. राज्यातील अनेक नेत्यांनी देशमुखांच्या कुटुंबियांची भेट घेतली.
लेखकाबद्दलशितल मुंढेमहाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. राजकीय, मनोरंजन, शिक्षण आणि क्राईम बातम्यांमध्ये विशेष आवड. लोकमत आणि टीव्ही 9 मराठीसह पत्रकारिता क्षेत्रात 6 वर्षांचा अनुभव.… आणखी वाचा