Ratnagiri Accident : रस्त्याअभावी ग्रामस्थांना अपघातग्रस्त तरुणाचा मृतदेह तब्बल दीड किलोमीटर अंतर हातातून उचलून घेऊन जावा लागला.
काय झालं नेमकं?
प्रदीप प्रकाश ढेबे (वय २१ वर्ष, रा. वावे-धनगर वाडी) या दुचाकीस्वाराला गुरुवारी कारची धडक बसून भीषण अपघात झाला होता. मात्र दुर्दैवाने उपचार सुरु असतानाच त्याचा मृत्यू झाला. हा अपघात गुरुवारी दुपारी साडेबारा वाजताच्या सुमारास तळेनजीक घडला होता.
मृतदेह हाती नेण्याची वेळ
दरम्यान, रस्त्याअभावी ग्रामस्थांना प्रदीपचा मृतदेह तब्बल दीड किलोमीटर अंतर हातातून उचलून घेऊन जावा लागला. यानंतर महाराष्ट्र नवनिर्माण सेनेचे रत्नागिरीतील नेते वैभव खेडेकर यांनी प्रशासनाला सज्जड इशारा दिला आहे. तर रस्त्याला निधी मंजूर केल्याबद्दल गृहराज्यमंत्री योगेश कदम यांचे खेडेकरांनी कौतुक आहे.
Parbhani Crime : तिसऱ्यांदा ‘लक्ष्मी’ पोटी, बापाचा संताप, ३० वर्षीय बाळंतिणीला पेटवलं, जळत्या अवस्थेत तिची धावाधाव, पण…
मनसेचा प्रशासनाला इशारा
खेड तालुक्यातील वावे रस्ता राज्यमंत्री योगेश कदम यांनी मंजूर करून त्यासाठी निधी दिला आहे. मात्र काही समाजकंटकांनी हा रस्ता अडवला आहे. त्यामुळे प्रशासनाने हा रस्ता अद्याप केलेला नाही. जर का प्रशासनाने या रस्त्याचा सिंगल हँडेड ताबा घेऊन हा रस्ता तात्काळ केला नाही तर गाठ मनसेशी आहे, हे लक्षात ठेवा असा सज्जड दम मनसेचे कोकणचे राज्य सरचिटणीस वैभव खेडेकर यांनी प्रशासनाला दिला आहे.
Mohini Wagh : सतीश वाघ यांचेही बाहेर अनैतिक संबंध होते, पत्नी मोहिनीचा खळबळजनक दावा, अक्षयसमोर बसून…
दोन दिवसांपूर्वी या रस्त्यावरती झालेल्या गंभीर अपघातात २१ वर्षीय तरुणाचा दुर्दैवी मृत्यू झाल्याची घटना घडली आहे. या सगळ्या प्रकारची गंभीर दखल मनसेचे कोकणातील नेते वैभव खेडेकर यांनी घेतली आहे