अंजली दमानिया यांनी म्हटले की, मला एक फोन आला आणि सांगण्यात आले की, संतोष देशमुख यांच्या हत्येतील फरार तीन आरोपींचा खून करण्यात आलाय. जोपर्यंत या हत्येतील आरोपी अटक होत नाहीत, तोपर्यंत मी बीडला राहणार आहे. हेच नाहीतर धनंजय मुंडे यांनी आपल्या पदाचा राजीनामा द्यावा, अशी थेट मागणीच अंजली दमानिया यांनी केली आहे. वाल्मिक कराड यांच्याबद्दल बोलताना देखील अंजली दमानिया या दिसल्या आहेत.
Rupali Patil : प्राजक्ता ताईंना कशाला बदनाम करताय धस भाऊ? रुपाली पाटील संतापल्या, त्यांच्या खाजगी आयुष्यात…यापूर्वीच अंजली दमानिया या धनंजय मुंडे यांच्यावर आरोप करताना दिसल्या आहेत. काल वाल्मिक कराड यांच्या पत्नी यांची सीआयडीकडून दोन तास चाैकशी करण्यात आलीये. सतत वाल्मिक कराड यांना अटक करण्याची मागणी ही केली जातंय. या घटनेबद्दल बोलताना धनंजय मुंडे यांनी थेट म्हटले होते की, संतोष देशमुख हत्या प्रकरणातील आरोपीला फाशीच झाली पाहिजे, ही माझी भूमिका आहे.

मला समाजकारणातून आणि राजकारणातून संपवण्यासाठी हे सर्व आरोप केले जात आहेत. आजच्या बीडच्या मोर्चाबद्दल मनोज जरांगे पाटील यांनीही मोठे भाष्य केले आहे. मनोज जरांगे पाटील यांनी म्हटले की, मराठ्यांनी बीडमध्ये होणाऱ्या मोर्चात मोठ्या संख्येने सहभागी व्हावे, कोणीही आज घरी राहायचे नाही. बीडमधील मोर्चाने सरकारला जाग येईल, असेही जरांगे यांनी म्हटले आहे. आता बीडमध्ये पोलिसांचा मोठा पोलिस बंदोबस्त देखील बघायला मिळतोय.