आता नुकताच संतोष देशमुख यांच्या हत्येप्रकरणी अंजली दमानिया यांनी मोठे आणि अत्यंत गंभीर आरोप केले आहेत. अंजली दमानिया यांनी म्हटले की, जोपर्यंत वाल्मिक कराड यांना अटक होणार नाही, तोपर्यंत मी ठिय्या करणार आहे. धनंजय मुंडे यांनी राजीनामा द्यावा. धनंजय मुंडे यांना राजीनामा देण्यासाठी भाग पाडू, असे थेट आता अंजली दमानिया यांनी म्हटले आहे. आज त्या बीडच्या एसपींची भेट घेणार आहे.
अंजली दमानिया यांचा संतोष देशमुख हत्या प्रकरणात खळबळजनक खुलासा, फरार तीन आरोपींचा खून, फोन आल्याचा दावाकाही वेळापूर्वीच अंजली दमानिया यांनी संतोष देशमुख यांच्या कुटुंबियांची भेट घेतलीये. यावेळी बराचवेळ त्या संतोष देशमुख यांच्या कुटुंबियांसोबत चर्चा करताना दिसल्या. अंजली दमानिया यांनी म्हटले की, मला व्हॉटसअॅप कॉल आले. यासोबतच मला मेसेजही पाठवण्यात आली की, संतोष देशमुख यांच्या हत्येतील तीन आरोपींचा खूप करण्यात आलाय. कर्नाटकच्या सीमेवर त्यांचे मतदेह मृतदेह सापडले आहेत. मात्र, ते मेसेज लगेचच डिलीट करण्यात आली. ते मेसेज कोणी पाठवले हे मला माहिती नाहीये.

मी याबद्दलची सर्व माहिती आणि नंबर एसपींना दिले आहेत, असे अंजली दमानिया यांनी म्हटले. अंजली दमानिया यांच्या दाव्यानंतर मोठी खळबळ निर्माण झाल्याचे बघायला मिळतंय. याबद्दल पोलिसांनी पुढील तपास केला की, नाही याची कल्पना आपल्याला नसल्याचे देखील अंजली दमानिया यांनी स्पष्ट केले. संभाजीराजे यांनी देखील धनंजय मुंडे यांच्यावर काही गंभीर आरोप केले आहेत.