विभागीय क्रीडा संकुल येथील क्रीडा विभागात कंत्राटी कामगार असलेल्या संगणक ऑपरेटर क्षीरसागरने विभागाच्या कागदपत्रांत फेरबदल करून, बँकेच्या खात्याच्या माहितीसाठी ई-मेल आयडी बदलला. यानंतर बदललेल्या ई-मेल खात्यावरून बँकेला रिक्वेस्ट पाठवून खात्याच्यार नेट बँकिंगसाठी स्वत:चा मोबाइल नंबर देऊन, सहा महिन्यांत तब्बल २१ कोटी रुपये लंपास केले. ही माहिती समोर आल्यानंतर, क्रीडा विभागाचे अधिकारी तुषार कुलकर्णी यांच्या तक्रारीवरून क्षीरसागरसह कंत्राटी लिपिक यशोदा शेट्टी, यशोदाचा पती बी. के. जीवन याला ताब्यात घेण्यात आले.

गुन्हे शाखेच्या पोलिसांनी क्षीरसागर याचे बँक खाते सील केले आहे. तसेच यशोदा शेट्टी व बी. के. जीवन यांची बँक खातीही सील केले आहे. या प्रकरणात यशोदा शेट्टी व बी. के. जीवन यांना अटक करण्यात आली आहे. क्षीरसागरच्या शोधासाठी आर्थिक गुन्हे शाखेच्या पोलिसांची दोन पथके तयार करण्यात आली आहेत.