मोहिनी वाघ (वय ४८, रा. ब्लूबेरी हॉटेलजवळ, मांजरी फार्म) हिला पोलिसांनी अटक केली. तिने गुन्ह्याची कबुली दिल्यानंतर बुधवारी सायंकाळी साडेपाच वाजता तिला अटक करण्यात आली. मोहिनी वाघला आज (गुरुवारी) लष्कर न्यायालयात हजर केले जाणार आहे.

भाजपचे आमदार योगेश टिळेकर यांचे मामा असलेल्या सतीश सादबा वाघ (वय ५९) यांचे नऊ डिसेंबरला अपहरण करून उरुळी कांचन येथील शिंदवणे घाटात खून करण्यात आला होता. पुणे पोलिसांच्या गुन्हे शाखेने या प्रकरणी आतापर्यंत पाच जणांना अटक केली आहे.

कोणाकोणाला अटक?

पवन श्यामसुंदर शर्मा (वय ३०, रा. आव्हाळवाडी, वाघोली), नवनाथ अर्जुन गुरसाळे (वय ३१, रा. डोमखेल रोड, वाघोली, मूळ रा. बीड), विकास ऊर्फ विक्की सीताराम शिंदे (वय २८, रा. आव्हाळवाडी रोड, वाघोली, मूळ रा. अहिल्यानगर), अक्षय ऊर्फ सोन्या हरीश जावळकर (वय २९, रा. फुरसुंगी फाटा) आणि अतीश संतोष जाधव (वय २०, लोणीकंद) अशी अटक केलेल्यांची नावे आहेत.
Kalyan Crime : कल्याण अत्याचार-हत्या प्रकरणातील आरोपीची तीन लग्नं, बँक कर्मचारी बायकोसोबत बॉडीची विल्हेवाट, दारु ढोसून गावी पळाला
सतीश वाघ यांच्या घरी भाडेतत्त्वावर राहणाऱ्या अक्षय जावळकर याने पवन, नवनाथ, विकास व अतिश यांना पाच लाख रुपयांची सुपारी देऊन वाघ यांचा खून केल्याचे प्राथमिक तपासात उघडकीस आले होते. सतीश वाघ आणि अक्षय यांच्यामध्ये वाद झाले होते. अक्षय याची मोहिनीशी जवळीक खटकल्याने वाघ यांनी जावळकरला खोली सोडून जाण्यास सांगितले. त्यानंतर वाघ यांच्या जाचाला कंटाळून मोहिनीने अक्षयला पतीचा काटा काढण्यास सांगून पाच लाख रुपयांची सुपारी दिली.
Vishal Gawali : बोल, रक्ताचे डाग कसले? बालिकेला संपवून विशाल गावी पळाला, पण तिसऱ्या बायकोने सगळं भडाभडा सांगितलं
त्यानंतर अक्षयने पवन शर्माला दीड लाख रुपये दिले. पवनने साथीदार नवनाथ व विकाससोबत कट रचून सतीश वाघ यांचा खून केला, असे पोलिसांच्या तपासात निष्पन्न झाले आहे.