इंजिनची चाचणी सुरु असताना नियंत्रण सुटल्याने अपघात

आता या अपघाताचं खरं कारणही समोर आलं आहे. याबाबत स्वत: नौदलाने माहिती दिली आहे. इंजिन चाचणी करत असलेल्या नौदलाच्या यानाचे नियंत्रण सुटले आणि कारंजा, मुंबई येथे नीलकमल या प्रवासी फेरीला धडकली, अशी माहिती नौदलाने दिली आहे.
Mumbai Boat Accident: वेगात नागमोडी वळणं न् बघता बघता स्पीड बोटची धडक, गेटवे बोट अपघाताचा अंगावर काटा आणणारा VIDEO
या दुर्घटनेत १ नौदल कर्मचारी आणि नौदलाच्या क्राफ्टमधील २ OEM सह १३ जणांचा दुर्दैवी मृत्यू झाल्याची माहिती आहे.

अपघात होताच तटरक्षक दल आणि सागरी पोलिसांच्या समन्वयाने नौदलाने तातडीने शोध आणि बचाव कार्य सुरू केले. चार नौदल हेलिकॉप्टर, ११ नौदल क्राफ्ट, एक तटरक्षक नौका आणि तीन सागरी पोलिस नौका बचावकार्य करत आहेत. या भागातील नौदल आणि सिव्हिल क्राफ्टने उचललेल्या वाचलेल्यांना आसपासच्या जेटी आणि हॉस्पिटलमध्ये हलवण्यात आले आहे. आतापर्यंत ९९ जणांना वाचवण्यात यश आले आहे, अशीही माहिती नौदलाने दिली आहे.

मुख्यमंत्र्यांकडून मृतांच्या कुटुंबीयांना ५ लाखांची मदत जाहीर

मुंबई बोट दुर्घटनेवर मुख्यमंत्री देवेंद्र फडणवीस यांनीही वक्तव्य केलं आहे. नीलकमल बोटीला नौदलाच्या बोटीची धडक बसली. ३.५० वाजताच्या सुमारास ही घटना घडली. या अपघातात आतापर्यंत १३ जणांचा मृत्यू झाला असून त्यात १० प्रवासी आणि ३ नौदलाचे जवान आहेत. सुमारे १०१ जणांची सुखरूप सुटका करण्यात आली. बचावकार्य राबवून त्वरीत वाचवण्याचे प्रयत्न करण्यात आले. उद्या सकाळपर्यंत अंतिम माहिती उपलब्ध होईल, असं फडणवीस म्हणाले. मृतांच्या कुटुंबीयांना मुख्यमंत्री सहायता कक्षाकडून ५ लाखांची मदत मिळणार आहे, अशी घोषणाही त्यांनी केली.

तसेच, या प्रकरणाची पोलीस प्रशासन आणि नौदलाकडून चौकशी केली जाईल, असंही त्यांनी सांगितलं.