जुन्नरचे अपक्ष आमदार शरद सोनावणे यांनी विधिमंडळात भाषण करताना मुख्यमंत्री देवेंद्र फडणवीस यांच्याकडे थेट मंत्रिपदाची मागणी केली आहे. यासाठी त्यांनी आपल्या मतदारसंघाचं छत्रपती शिवाजी महाराज यांच्याशी असलेलं कनेक्शन सांगितलं.
आमदार सोनावणेंचं विधिमंडळातलं भाषण जसंच्या तसं-
”मी अपक्ष आमदार म्हणून निवडून आलेलो आहे. माझा मतदारसंघ जुन्नर आहे. छत्रपती शिवाजी महाराजांचा जन्म जिथे झाला, त्या पावन भूमीतून मी येतो. त्या मतदारसंघाचं प्रतिनिधीत्व करतो. छत्रपतींचा जन्म शिवनेरी गडावर झाला. तो किल्ला माझ्या मतदारसंघात येतो. तुमचं सरकार रेकॉर्डब्रेक मतांनी आलेलं आहे. मी पहिल्याच दिवशी तुमच्या शासनाला पाठिंबा दिला. १ मे १९६० रोजी महाराष्ट्र राज्याच्या निर्मितीचा सुवर्णकलश पहिले मुख्यमंत्री यशवंतराव चव्हाणांनी किल्ले शिवनेरीवर आणला. तिथेच पहिली कॅबिनेट बैठक झाली. तेव्हापासून आतापर्यंत राज्यात छत्रपतींचा जयजयकार होतो. आपणही छत्रपती शासन चालवता. छत्रपती शिवरायांना सार्वजनिक सभेच्या व्यासपीठावर आणण्याचं काम बाळासाहेब ठाकरे, अटलबिहारी वाजपेयी, लालकृष्ण अडवाणी यांनी केलं. पण छत्रपतींच्या जन्मभूमीला आजही मंत्रिमंडळात स्थान मिळालेलं नाही, ही अतिशय चिंतेची बाब आहे.”
Chhagan Bhujbal: इजा बिजा तिजा… सलग तिसऱ्यांदा ‘अपमान’, भुजबळांचा संताप; आक्रमक नेत्यासमोर कोणते पर्याय?”दरवर्षी १९ फेब्रुवारीला शिवजयंती शिवनेरीवर साजरी होते. त्यादिवशी आपण तिकडे छत्रपतींना अभिवादन करायला येता. शिवनेरीवर येऊन आपण नतमस्तक होता. आता मंत्रिमंडळाची स्थापना झालेली आहे. मी तुम्हाला निवेदन देत आहे. छत्रपतींच्या भूमीला मंत्रिमंडळात घ्या, असं म्हणायलादेखील मला कमीपणा वाटतो. खरं तर माझ्यासारख्या माणसाला तसं म्हणायलाच लागू नये. शरद सोनावणे स्वत:साठी मंत्रिपद मागतो की काय असा प्रश्न पडू शकतो. पण तसं नाहीए. त्या शिवभूमीचा आदर व्हायला हवा. छत्रपती शिवरायांच्या भूमीला मंत्रिमंडळात घ्यायला हवं. कारण शिवरायांचा प्रवास तिथून सुरु झालेला आहे.”
फडणवीस-ठाकरेंमध्ये कशावर चर्चा? भेटीचे साक्षीदार सचिन अहिरांकडून इत्यंभूत माहिती”मी मुख्यमंत्री आणि दोन्ही उपमुख्यमंत्र्यांना निवेदन देत आहे. याचा त्यांनी गांभीर्यानं विचार करावा. येत्या १९ फेब्रुवारीला तुम्ही शिवनेरीवर छत्रपतींना वंदन करण्यास येत आहात. आपण शिवनेरीसाठी केलेलं काम सगळ्या जुन्नरकरांना माहीत आहे. पण या कामाला खऱ्या अर्थानं जर शेवटचं स्वरुप द्यायचं असेल तर आपण मंत्रिमंडळात हक्काचं स्थान द्यावं. हा हक्क मागायला मी सभागृहात उभा आहे. नाही तर मला मतदारसंघात जाणं अवघड होईल.”
लेखकाबद्दलकुणाल गवाणकरमहाराष्ट्र टाईम्स ऑनलाईनमध्ये सिनियर डिजिटिल कंटेट प्रोड्युसर म्हणून कार्यरत. ११ वर्षांपूर्वी वृत्तपत्रातून पत्रकारितेची सुरुवात. सकाळ, जय महाराष्ट्र, टीव्ही ९ मराठी, लोकसत्ता ऑनलाईन, न्यूज१८ लोकमत, लोकमत ऑनलाईनमधून प्रवास करत मटा ऑनलाईनपर्यंत वाटचाल; क्राईमच्या बातम्यांमध्ये हातखंडा; राजकीय, निवडणूक विषयक बातम्यांमध्ये रस…. आणखी वाचा