गेल्या २४ तासांपासून अजित पवार कुणालाही भेटले नसल्याची माहिती आहे. अजित पवार नागपुरातील हिवाळी अधिवेशनाच्या पहिल्याच दिवशी सभागृहात अनुपस्थित होते. उपमुख्यमंत्री असूनही अजितदादांची असलेली गैरहजेरी डोळ्यात भरणारी होती. बीड-परभणीतील संवेदनशील विषयावर सभागृहात चर्चा होत असताना दादा अनुपस्थित होते.
Sushma Andhare : सहाफुटी अन् अर्ध टक्कल; विमानतळावर जीवे मारण्याची धमकी, जय श्रीरामच्या घोषणा देत निघाला, सुषमा अंधारेंचा आरोप
दरम्यान, रविवारी संध्याकाळी झालेल्या मंत्रिमंडळ विस्तारावेळी अजित पवार उपस्थित होते. त्यानंतर झालेल्या चहापानाच्या सरकारी कार्यक्रमालाही त्यांनी हजेरी लावली. परंतु त्यानंतर ते कुणालाही भेटले नसल्याचं बोललं जात आहे.

Chhagan Bhujbal : छगन भुजबळांना राज्यपालपद देण्याचं नेतृत्वाच्या मनात असेल, भाजपच्या बड्या नेत्याचं भाकित
एकीकडे छगन भुजबळ नाराज असताना अजित पवारही कुणाला भेटले नसल्याने राजकीय वर्तुळात चर्चेला उधाण आले आहे. नागपुरातील उपमुख्यमंत्र्यांचे शासकीय निवासस्थान असलेल्या विजयगड निवासस्थानी शुकशुकाट आहे. अजित पवार यांच्या भेटीसाठी येणारे समर्थक तसेच राष्ट्रवादी काँग्रेस पक्षाचे पदाधिकारी आणि कार्यकर्त्यांना “दादा बंगल्यावर नाहीत” असं सांगितलं जात आहे. परंतु ते नेमके कुठे आहेत, याचा ठावठिकाणा लागलेला नाही.

दरम्यान, अजित पवार आज थेट सभागृहात येणार असल्याची माहिती आहे. विधानपरिषदेत आज माजी मुख्यमंत्री उद्धव ठाकरेही उपस्थित राहणार आहेत. अशावेळी महायुती सरकारमधील तीन दिग्गज नेते आणि ठाकरे हे आमनेसामने येऊन रंगत वाढण्याची चिन्हं आहेत.