दरम्यान, या अपघाताची माहिती मिळताच वाकण वाहतूक शाखेचे कर्मचारी तसेच ऐनघर ग्रामपंचायतीचे सदस्य मनोहर सुटे, किशोर नावले यांनी घटनास्थळी तात्काळ धाव घेतली आणि हायड्राच्या सहाय्याने ट्रेलरचालकाला केबीनमधून बाहेर काढण्यात आले. त्यानंतर जिंदाल रुग्णालयाच्या रुग्णवाहीकेतून नागोठाणे सरकारी रुग्णालयात नेण्यात आले. या अपघाताचा पुढील तपास नागोठाणे पोलीस स्टेशनचे पोलीस निरीक्षक सचिन कुलकर्णी करीत आहेत.

चुकून गोळी सुटली, महिला पोलीस कर्मचाऱ्याला लागली

दरम्यान, रिव्हॉल्वरची गोळी लागल्याने महिला पोलीस कर्मचारी जखमी झाल्याची घटना पेण तालुक्यातील दादर येथे घडली. याबाबत सविस्तर वृत्त असे की, पेण तालुक्यातील दादर सागरी पोलीस स्थानकात सरकारी शस्त्रे तपासणी व सफाईचे काम सुरू होते. त्यानुसार येथील पोलीस अधिकारी हे आपले सरकारी शस्त्र रिव्हॉल्वर साफ करीत होते. अचानक रिव्हॉल्वरमधून गोळी सुटुन जवळच असलेली महिला पोलीस कर्मचारी नूतन रामचंद्र लाड यांना लागली. सदर गोळी त्यांच्या पायाला लागल्याने त्या जखमी झाल्या आहेत.