Nashik News: यंदाचे वर्ष निवडणुकांचे आहे. राज्यात लोकसभा आणि पाठोपाठ विधानसभा निवडणुका उत्साहात पार पडल्या. आता स्थानिक स्वराज्य संस्थांच्या निवडणुकांचे सर्वांना वेध लागले आहेत.
यंदाचे वर्ष निवडणुकांचे आहे. राज्यात लोकसभा आणि पाठोपाठ विधानसभा निवडणुका उत्साहात पार पडल्या. आता स्थानिक स्वराज्य संस्थांच्या निवडणुकांचे सर्वांना वेध लागले आहेत. महापालिका, जिल्हा परिषदेच्या निवडणुका मार्चपूर्वी घेण्यात येणार आहेत. परंतु, त्याआधीच ग्रामपंचायत निवडणुकांचा बिगूल वाजणार आहे. जिल्ह्यात तेरा तालुक्यांमधील १९३ ग्रामपंचायतींची मुदत डिसेंबरअखेर संपणार आहे. राज्य निवडणूक आयोगाच्या मार्गदर्शनानुसार जिल्हाधिकारी कार्यालयातील ग्रामपंचायत विभागाने सदर गावांमध्ये यापूर्वीच पंचवार्षिक निवडणुकांच्या अनुषंगाने प्रभागरचनांची कार्यवाही पूर्ण केली आहे. 
आतापर्यंत पुण्यात १० हजार ‘बहिणी’ अपात्र; जिल्ह्यातील २० लाख ८४ हजार अर्जदारांना मिळणार योजनेचा लाभ
मात्र, गावनिहाय सरपंच सोडतीचा मुद्दा भिजत पडल्याने आयोगाला निवडणुकांची तयारी करण्यात अडचणी येत आहेत. परंतु, या महिन्यात राज्य सरकारकडून सरपंच आरक्षण सोडतीचे आदेश निघण्याची शक्यता आहे. त्यानंतर गावपातळीवर मतदारयाद्यांचा कार्यक्रम राबविण्यात येणार आहे. तो पूर्ण होताच आयोगाकडून निवडणुकांच्या तारखा घोषित होणार आहेत. या प्रक्रियेला जानेवारी उजाडण्याची शक्यता असली, तरी गावपातळीवर मात्र इच्छुक आतापासूनच तयारीला लागले आहेत.
Kurla Accident: लेकरु उपाशीपोटीच गेलं, नाश्ता आणायला बाहेर पडला अन् काळाने घेरलं; कुर्ला बस अपघातात शिवमचा दुर्दैवी मृत्यू
आरक्षण सोडतीकडे लक्ष
राज्यातील ३४ जिल्ह्यांमधील पेसा क्षेत्र वगळता खुल्या वर्गातील १ हजार ४५२ ग्रामपंचायतींमध्ये सरपंच आरक्षणाचे वाटप करण्यात आले. त्यामध्ये जिल्ह्यातील १९६ पैकी पेसा क्षेत्र वगळता १०६ ग्रामपंचायतींसाठी आरक्षणाचे वाटप झाले आहे. ओबीसींसाठी २९, अनुसूचित जमातीच्या १३ तर अनुसूचित जातीसाठी ८ जागा राखीव असणार आहेत. सरपंचाच्या ५६ जागा खुल्या प्रवर्गात असणार आहेत. कुठे सरपंचाची पदे राखीव होणार व कुठे खुल्या प्रवर्गासाठी सुटणार याकडे सर्वांचे लक्ष लागले आहे.
Kurla Accident: बायकोला शेवटचा कॉल, रुग्णालयाच्या दारातच सोडले प्राण, कुर्ला अपघातात गायकवाडांचा चटका लावणारा अंत
ग्रामपंचायत शाखा लागली कामाला लोकसभा निवडणुकीपाठोपाठ अलीकडेच विधानसभा निवडणुकीची प्रक्रिया सुरळीत पार पडली. यात जिल्हा महसूल प्रशासनाने महत्त्वाची भूमिका पार पाडली. निवडणूक शाखेला यामुळे काहीशी उसंत मिळाली आहे. जिल्हा प्रशासनाची निवडणूक शाखा आता ग्रामपंचायत निवडणूक सुरळीत पार पाडण्याच्या तयारीला लागली आहे. या शाखेचेही ग्रामपंचायत सरपंचपदाच्या आरक्षण सोडतीकडे लक्ष लागले असून, डिसेंबरच्या शेवटच्या आठवड्यात निवडणुकीचा कार्यक्रम जाहीर होऊ शकतो, अशी माहिती या विभागातील सूत्रांनी दिली.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस…. आणखी वाचा