Chhatrapati Sambhajinagar Temperature : मंगळवारी शहराचा पारा १२.२ अंश सेल्सीयस होता, येत्या काही दिवसात त्यात आणखी घसरण होणार असल्याचे मानले जात आहे. थंडीने आठ-पंधरा दिवसांपूर्वी डोके वर काढले होते.
थंडी चांगलीच झोंबत होती, त्यामुळे कपाटात ठेवलेले गरम कपडे नागरिकांनी बाहेर काढले होते. त्यानंतर फेंगल वादळाच्या प्रभावामुळे थंडी हद्दपार झाली आणि पावसाने हजेरी लावली. ढगाळ वातावरणात थंडी दबून गेली. आता ढगाळ वातावरण गेले आणि पाऊसही गेला आहे. त्यामुळे थंडीचे कमबॅक झाले आहे. दोन दिवसांपासून थंडी चांगलीच झोंबू लागली आहे. सोमवारी शहराचा पारा १४.६ अंश सेल्सिअस होता, मंगळवारी त्यात घसरण झाली आणि शहराचा पारा १२.२ अंश सेल्सियसवर आला. 
आतापर्यंत पुण्यात १० हजार ‘बहिणी’ अपात्र; जिल्ह्यातील २० लाख ८४ हजार अर्जदारांना मिळणार योजनेचा लाभ
येत्या काही दिवसांत पाऱ्यात आणखी घसरण होईल असे मानले जात आहे. दरम्यान, शहर-परिसरात सातत्याने पारा घसरत असल्याने शहरवासीयांना हुडहुडी भरत आहे. शाळकरी मुले आणि पालकांना स्वेटर, कानटोप्या घालून बाहेर पडावे लागत आहे.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस…. आणखी वाचा