Ladki Bahin Yojana: योजनेसाठी १५ ऑक्टोबरपर्यंत जिल्ह्यातून २१ लाखांहून अधिक अर्ज दाखल झाले होते. आचारसंहिता जाहीर झाल्याने अर्जाची छाननी बाकी होती. ती संपताच जिल्हा प्रशासनाने प्रलंबित अजांची छाननी सुरू केली. आतापर्यंत ९,८१४ अर्ज त्रुटींमुळे अपात्र ठरले आहेत.
महायुती सरकारने पाच महिन्यांपूर्वी ‘लाडकी बहीण’ योजना राबविण्याचा निर्णय घेतला. अल्प कालावधीत या योजनेला महिलांचा उत्स्फूर्त प्रतिसाद लाभला. विधानसभेच्या निवडणूक प्रक्रियेत ही योजनाच प्रचाराचा केंद्रबिंदू ठरली होती. योजनेसाठी १५ ऑक्टोबरपर्यंत जिल्ह्यातून २१ लाखांहून अधिक अर्ज दाखल झाले होते. आचारसंहिता जाहीर झाल्याने अर्जाची छाननी बाकी होती. ती संपताच जिल्हा प्रशासनाने प्रलंबित अजांची छाननी सुरू केली. आतापर्यंत ९,८१४ अर्ज त्रुटींमुळे अपात्र ठरले आहेत.
शिवाय ५,७२४ अर्जामध्ये किरकोळ त्रुटी आढळल्याने ते तात्पुरते नाकारण्यात आले आहेत. या अर्जदारांना त्रुटी दूर करण्याची संधी देण्यात आली आहे. एकूण प्रलंबित बारा हजार अर्जाची छाननी अद्याप बाकी आहे. याचाच अर्थ आतापर्यंत सुमारे ९९.४३ टक्के अर्जाची छाननी पूर्ण झाली आहे. छाननी झालेल्या एकूण अजर्जापैकी ६९,१७५ अर्जाचे बँकेच्या खात्याशी आधार सीडिंग करणे राहिले आहे.
Ladki Bahin Yojana: ‘या लाडक्या बहिणींचे पैसे होणार बंद? यंत्रणेकडून अर्ज पडताळणी सुरु
लाडकी बहीण योजनेचे जिल्ह्यातील शिल्लक अर्ज मंजूर करण्याची प्रक्रिया सुरू आहे. १२,००० अर्जाची छाननी होणे बाकी असून, ही प्रक्रिया लवकरच पूर्ण होईल. सुमारे दहा हजार अर्ज अपात्र ठरले आहेत. लाडक्या बहिणींना पुढील हप्ता कधी मिळणार हे सरकारकडून लवकरच जाहीर होईल. – जामसिंग गिरासे, उपमुख्य कार्यकारी अधिकारी, महिला व बाल कल्याण विभाग
‘अफवांवर विश्वास ठेवू नका’
‘सोशल मीडियावर लाडक्या बहिणी योजनेसंदर्भात विविध बातम्या प्रसिद्ध होत आहेत. त्यामुळे महिला वर्गामध्ये योजनेबाबत अस्वस्थता पसरली आहे. या संदर्भात सोशल मीडियावर प्रसिद्ध होणाऱ्या बातम्यांवर विश्वास ठेवू नये. योजनेबाबत अधिकृत माहिती महिला व बाल कल्याण विभाग स्वतंत्रपणे वेळोवेळी जाहीर करेल,’ असे जिल्हा प्रशासनाकडून स्पष्ट करण्यात आले आहे.
पुणेकरांनो कृपया लक्ष द्या! PMP बस मार्गात उद्या मोठे बदल; ‘हे’ रस्ते राहणार बंद, कशी असेल पर्यायी व्यवस्था?
जिल्ह्यातील अर्जाची स्थिती
तालुका एकूण अर्ज मंजूर अर्ज अपात्र अर्ज
पुणे शहर ६,८२,०५५ ६,६७,०४० ३४९४
हवेली ४,१९,८५९ ४,१५,५१० ११६६
बारामती १,२२,८४७ १,२१,८३१ ५०६
खेड १,१८,७०२ १,१८,००८ ५६१
इंदापूर १,१०,९६९ १,१०,२१४ ३७०
शिरुर १,०५,६०९ १,०५,०३७ ४८३
जुन्नर १,०५,३८६ १,०४,५६९ ६६३
दौंड १,०२,४२७ १,०१,९१५ २०७
मावळ ९६,९७० ९५,३०८ १३६४
पुरंदर ६७,८४० ६६,९४९ ३०१
आंबेगाव ६४,९२७ ६४,४१६ २७१
भोर ५२,४५३ ५२,१८५ ९८
मुळशी ४७,१९७ ४६,८७४ २११
वेल्हा १४,७०५ १४,५०८ ११९
एकूण २१,११,९४६ २०,८४,३६४ ९८१४
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस…. आणखी वाचा