जितेंद्र आव्हाड काय म्हणाले?

रईस शेख, जितेंद्र आव्हाड, सुनील शिंदे यांनी हात उंचावून एकी दाखवली. महाविकास आघाडीत समाजवादी पक्षाचे दोन्ही सदस्य अबू आझमी आणि रईस शेख हे आमचे सदस्य आहेत. रागवले की थोडेसे लांब जातात, पण प्रेम केलं की जवळही येतात, असं जितेंद्र आव्हाड म्हणाले.

शरद पवार, उद्धव ठाकरे, राहुल गांधी हे सगळे ठरवतील, हा प्रश्न बसून सोडवू, ते आमचा भाग आहेत, असं आव्हाड म्हणताच, सगळे जण बसून मार्ग काढतील, याला रईस शेख यांनीही दुजोरा दिला. इंडिया आघाडीचं नेतृत्व कोणी करायचं, ते शरद पवार ठरवतील. रईस शेख १०० टक्के आमच्यासोबत आहेत, असा विश्वास आव्हाडांनी व्यक्त केला.

रईस शेख यांची नाराजी दूर

जितेंद्र आव्हाड हे मविआचे नेते आहेत, त्यांच्या शब्दाला मान देत रईस शेख यांची नाराजी दूर झाली आहे. आता आम्ही हस्तांदोलन करत सभागृहात जातोय, असं ठाकरे गटाचे आमदार सुनील शिंदे म्हणाले.
Aamshya Padavi VIDEO | अशा कायद्याद्वारे संविधाना का… शपथ घेताना शिंदेंचा आमदार अडखळला, नंतर स्वतःच सांगितलं कारण

आदित्य ठाकरे काय म्हणाले होते?

‘समाजवादी पक्षाचे उत्तर प्रदेशातील नेतृत्व खूप चांगले काम करत आहे. मात्र, आपल्याकडे अबू आझमी भाजपच्या ‘बी टीम’सारखे काम करत आहेत,’ अशी टीका आदित्य ठाकरे यांनी रविवारी केली होती. ‘सप’ने महाविकास आघाडीतून बाहेर पडण्याचा निर्णय घेतल्यानंतर त्यांनी आझमी यांना लक्ष्य केले. आमची हिंदुत्वाबाबतची भूमिका स्पष्ट असल्याचेही ते या वेळी म्हणाले होते.
Rahul Narwekar : राहुल नार्वेकर पुन्हा विधानसभा अध्यक्ष;’मी पुन्हा येईन’ न म्हणता परत आलात, फडणवीसांचे चिमटे
हिंदुत्वाच्या मुद्द्यावरून शिवसेना (उबाठा) पक्षाच्या आमदाराने केलेल्या पोस्टनंतर समाजवादी पक्षाने ‘मविआ’तून बाहेर पडण्याची घोषणा केली. याबाबत विचारले असता, ‘अखिलेश यादव हे उत्तर प्रदेशात जो समाजवादी पक्ष चालवत आहेत, तो अत्यंत वेगळा आहे. तिथे ते ‘इंडिया’चे नेतृत्व करत आहेत. पण महाराष्ट्रात निवडणुकीत त्यांचे लोक भाजपची ‘बी टीम’ म्हणून काम करत होते,’ असा गंभीर आरोप आदित्य यांनी केला.