काय आहे नेमकं प्रकरण?

याबाबत सविस्तर माहिती अशी की, शहादा तालुक्यातील असलोद गाव आणि परिसरात अवैध दारू विक्री वर्षेनुवर्षे सुरू आहे. तसंच गावाजवळच मुख्य रस्त्यावर बियर बार आणि शॉपी सुरू आहे. त्यामुळे गावातील महिलांसह ग्रामस्थांनी गाव आणि परिसरात असलेली अवैध दारू विक्री कायम स्वरुपी बंद होण्यासाठी प्रशासनाकडे पाठपुरावा केला होता.
Pune Fire : फोटो फ्रेम स्टुडिओत अग्नितांडव, धुराचे लोट चार किमीपर्यंत… पुण्यात भीषण आग, नागरिक धुरात होरपळले
अखेर जिल्हा प्रशासनाने दारू बंदीसाठी आडवी बाटली आणि ऊभी बाटलीवर गावातील महिलांसाठी मतदान प्रक्रिया राबवली. एकूण १ हजार २०० महिला मतदारांसाठी तीन बूथ निश्चित करण्यात आले होते. या मतदान प्रक्रियेत एकूण ६७७ महिलांनी मतदान केलं. त्यात आडव्या बाटलीला तब्बल ६१२ मतं मिळाली. बॅलेट पेपरवर ही मतदान प्रक्रिया तहसीलदार दिपक गिरसे यांच्या मार्गदर्शनाखाली राबवण्यात आली. पोलीस उपविभागीय अधिकारी दत्ता पवार यांच्या मार्गदर्शनाखाली पोलिस निरीक्षक राजन मोरे यांच्या उपस्थितीत पोलिस यंत्रणेने चोख बंदोबस्त ठेवला होता. आडव्या बाटलीने विजय मिळाल्याने गावात सर्वत्र आनंदोत्सव साजरा करण्यात आला.
देवेंद्र फडणवीसांनी केलेलं मॉडेलिंग शूट, थेट दिल्लीतून बोलावणं आलेलं… काय आहे या फोटोमागची स्टोरी

अधिकाऱ्यांना वाचवण्यासाठी मतदान

असलोद गावात २०१२ पासून दारू बंदीची मागणी होती. विनाअट परवाना रद्द करण्याची मागणी ग्रामपंचायतीने ठराव करून दिला आहे. मात्र याबाबत मद्याचे परवाने, खोटे दस्तावेज तयार करुन सादर करण्यात आल्याचं गावकरी सांगतात. ग्रामपंचायतने प्रोसिडिंग केली नसतानाही परवाने देण्यात आले आहेत. गावकऱ्यांनी दोन्ही परवाने रद्द करण्याची मागणी केली असताना संबंधित अधिकाऱ्यांना वाचवण्यासाठी गावकऱ्यांवर मतदान लादण्यात आल्याचा आरोप गावकरी करत आहेत.
तो दारुच्या नशेत नव्हता…. विनोद कांबळी आणि सचिन तेंडुलकर यांच्या भेटीनंतर जुन्या मित्राचा दावा
गावात दारू बंदीसाठी महिलांनी घेतलेला निर्णय आणि त्यांना मिळालेली गावकऱ्यांची साथ यामुळे गावात दारू बंदीसाठी बॅलेट पेपरवर मतदान झालं आहे. यात एकूण मतदान ६७७, आडवी बाटली ६१२, उभी बाटली ४८, बाद मतदान १७ झालं. आडव्या बाटलीने प्रचंड विजय मिळवल्यानंतर महिलांचा अनेक वर्षांचा लढा मिटणार असून गावात पूर्णपणे दारू बंदी होणार आहे.

असं असलं तरी संबंधित विभागाच्या अधिकाऱ्यांकडे खोटे दस्तावेज सादर करून परवाना मिळवणारा आणि त्याला साथ देणाऱ्या अधिकाऱ्यांचं पुढे काय होणार याबाबत मात्र अद्याप कोणतीही कारवाई किंवा माहिती देण्यात आलेली नाही.