Chhatrapati Sambhajinagar Paithan Three Members Family Murder: संभाजी उर्फ राजू नारायण नेवारे (३५), त्यांची पत्नी आश्विनी (३०) व मुलगी सायली (१०), अशी मृतांची नावे आहेत. तर, राजूचा यांचा मुलगा सोहम (६) हा या घटनेत जखमी झाला होता.
हायलाइट्स:
- तिघांच्या हत्येप्रकरणी तिहेरी जन्मठेप
- सहा वर्षांच्या मुलावरही वार
- लोहाराकडून बनवून घेतली तलवार
आता मंत्रिपदे, खात्यांवर खल; शिवसेनेला १०, तर ‘राष्ट्रवादी’ला सात कॅबिनेट मंत्रिपदे?खटल्याच्या सुनावणीवेळी, सहाय्यक लोकाभियोक्ता सुदेश शिरसाठ व मधुकर आहेर यांनी २६ साक्षीदारांचे जबाब नोंदवले. सुनावणीअंती न्यायालयाने आरोपी अक्षय जाधव याला दोषी ठरवून तिहेरी जन्मठेप व प्रत्येकी १० हजार रुपये आणि आर्म ॲक्टच्या कलम २७ अन्वये ७ वर्षे सक्तमजुरी व दहा हजार रुपये दंड, असा एकूण ४० हजारांच्या दंडाची शिक्षा ठोठावली. प्रकरणात ॲड. शिरसाठ यांना ॲड. तेजस्विनी मोने व ॲड. दिलीप खंडागळे यांनी सहाय्य केले.
सहा वर्षांच्या मुलावरही वार
घटनेच्या काही दिवसांपूर्वी आरोपी अक्षय हा मृताकडे कामाला होता. त्यामुळे आरोपीला घरातील सर्वजण ओळखत होते. घटनेच्या दिवशी मृताचे संपूर्ण कुटुंब झोपेत असताना, आरोपीने त्यांच्यावर वार केले. तेव्हा सोहमला जाग आली. तो ‘अक्षय दादा, अक्षय दादा आम्हाला मारू नको’ अशा विनवण्या करीत राहिला, मात्र आरोपीला त्याची दया आली नाही. सोहमवरदेखील त्याने वार केले. सुदैवाने त्यात तो बालंबाल बचावला.
लोहाराकडून बनवून घेतली तलवार
आरोपी अक्षय याने मृत संभाजी यांचा बदला घेण्याचे आधीच ठरवले होते. त्यासाठी त्याने घटनेच्या १५-२० दिवसांपूर्वी एका लोहाराकडून तलवार व सत्तुर बनवून घेतल्याचे तपासात निष्पन्न झाले होते.
लेखकाबद्दलप्रशांत पाटीलप्रशांत पाटील यांना डिजिटल पत्रकारिता क्षेत्रात ३ वर्षांचा अनुभव आहे. ते ‘महाराष्ट्र टाइम्स ऑनलाइन’मध्ये कंटेंट प्रोड्यूसर म्हणून कार्यरत आहेत. याआधी थोडक्यात, आधान न्यूज वेबपोर्टलमध्ये डेस्कवर काम केलंय. महाराष्ट्रातील घडामोडी बघतात…. आणखी वाचा