याबाबत अधिक माहिती अशी की, दोन दिवसांपूर्वी ॲड. अभिजीत गोसावी आणि ॲड. भूषण टाटीया यांना आडगाव नाका पोलीस स्टेशन येथे एका दांपत्यास विनाकारण जास्त वेळ पोलीस स्टेशनला बसवून ठेवत असल्याचे, मनमानी पद्धतीने कागदपत्र मागितल्याचे, दबाव टाकण्याबाबतची तसेच तक्रार अर्जावर पोहोच देत नसल्याबाबतची माहिती मिळाली. सदर कामकाजानुषंगाने सायंकाळी आडगाव नाका पोलीस ठाणे (नाशिक शहर) येथे आले असता.

पोलिस कर्मचारी अशोक बस्ते यांनी त्यांना अरेराविची आणि चुकीची भाषा वापरली. त्यांनतर सदर वकिलाने अरेरावीची भाषा वापरण्यावर आक्षेप घेतल्यावर पोलीस ठाण्यात उपस्थित पोलिस त्यांच्या अंगावर धावून गेले. यावेळी धक्काबुक्की केल्याची घटना घडली. सदर पोलिस अशोक बस्ते व त्यांचे सहकारी म्हणाले, तुमची वकिली कोर्टातच दाखवा. तुमच्यासारखे छप्पन वकिल पाहिले आहेत. वकिलांचा पोलीस स्टेशनमध्ये यायचा संबंधच नाही.
शरद पवारांच्या खास नेत्याने घेतली देवेंद्र फडणवीसांची भेट, शपथविधी होताच वारं बदललं?इथे आम्हाला कायदे शिकवायला हे काय तुमचं कोर्ट नाही, इथून बाहेर निघायचं नाहीतर सरकारी कामात अडथळा म्हणून गुन्हा दाखल करू, कागदी घोडे नाचवून दाखवतो म्हणजे तुम्हाला पोलीस म्हणजे काय ते चांगलंच कळेल? सर्वात महत्वाचे म्हणजे तुम्ही वकिल म्हणून आमच्या पोलिसांसमोर यायचं असेल तर काळा कोट व बँड सहित संपूर्ण युनिफॉर्ममध्येच यायच अशी भाषा पोलिसांनी वापरण्याचे आरोप अॅड.अभिजीत गोसावी यांनी केला.

पोलिस आणि वकिल हे दोन्हीही वर्ग कायदा आणि सुव्यवस्था राखण्यासाठी संवैधानिकदृष्ट्या महत्वाचे घटक आहेत. त्यामुळे पोलिस वर्गाने वकिलांच्या अंगावर धावून जाणे, धक्काबुक्की करणे, वकिल वर्गाची अप्रतिष्ठा होईल अशी भाषा वापरणे, हे अत्यंत निंदनीय असल्याचे म्हणत अनेक वकिलांनी झालेल्या संपूर्ण प्रकाराचा जाहीर निषेध केलाय. सदर प्रकरणाची चौकशी होऊन संबंधित पोलीस कर्मचाऱ्यांवर कारवाई व्हावी अशी मागणी वकील संघटनेकडून करण्यात आली आहे.