Sanjay Shirsat Car Attack: शिवसेनेचे उमेदवार संजय शिरसाट यांच्या गाडीवर मंगळवारी रात्री हल्ला झाला आहे. हल्ल्यात कोणीही जखमी झाले नसले तरी गाडीचे नुकसान झाले आहे.
हल्ल्याबाबत अद्याप तपशील समोर आलेले नाही. मात्र गाडीवर मागून हल्ला झाला आहे, ज्यात गाडीच्या काचा फुटलेल्या दिसत आहेत. हल्ला झाला तेव्हा गाडीत संजय शिरसाट यांचा पुत्र होता. हल्ल्यात कोणालाही इजा झालेली नाही. हल्ला झाल्यानंतर हल्लेखोरांनी तेथून पळ काढला. याबाबत आता संजय शिरसाट काय प्रतिक्रिया देतात हे पाहणे उत्सुकतेचे ठरणार आहे. 
जामखेडमध्ये पैसे वाटप करताना बारामती अँग्रोच्या अधिकाऱ्याला पकडले, भाजप-राष्ट्रवादीचे दावेप्रतिदावे
विधानसभा निवडणुकीच्या प्रचारा दरम्यान रविवारी कालीचरण महाराज यांची सभा झाली होती. या सभेत त्यांनी मराठा आंदोलक मनोज जरांगे पाटील यांच्यावर टीका केली होती. कालीचरण महाराजांची ही सभा संजय शिरसाट यांच्या प्रचारासाठी असल्याचे बोलले जात होते. महाराजांच्या वक्तव्याचा फटका मतदानात बसू शकतो हे लक्षात येताच संजय शिरसाटांनी त्यावर स्पष्टीकरण दिले होते. त्याच बरोबर त्यांनी मनोज जरांगें यांची भेट देखील भेट घेतली होती.
लेखकाबद्दलजयकृष्ण नायरजयकृष्ण नायर, महाराष्ट्र टाइम्समध्ये Senior Digital Content Producer आहेत. महाविद्यालयात युवा सकाळमधून त्यांनी पत्रकारितेची सुरुवात केली. २००९ पासून ते ऑनलाइन पत्रकारीतेत आहेत. प्रहार, स्टार माझा, न्यूज १८ लोकमत अशा वेबसाइटसाठी त्यांनी काम केले आहे. देश, विदेश आणि तंत्रज्ञान यासोबत क्रीडा विषयात त्यांची आवड आहे…. आणखी वाचा