केवळ एका माणसाने अख्या पक्षाची वाट लावली. आजवर अनेक लोक निघून गेले त्यांना हे म्हणतात गद्दार आहेत. अरे गद्दार तर घरात तिथे बसलाय ज्यांनी पक्षाजवळ गद्दारी केली, असं सांगत राज ठाकरे यांनी एका कुटुंबाचे उदाहरण दिलं. कुटुंबामध्ये तीनही मुलं असतात सगळ्यांचे लग्न होतात सासूबाईंशी भांडण सुरू होतं, मुलगा म्हणतो आपण दुसरीकडे राहायला जाऊ ते दुसरीकडे राहायला जातात. दुसऱ्या तिसऱ्या वेळी हीच परिस्थिती निर्माण होते. त्या वेळेला लोक म्हणतात काय हल्लीच्या मुली घरात आले ना की फक्त घर फोडतात पण तिसरी सून आल्यावरही सासू जवळ भांडण होतं आणि तिसरा मुलगाही म्हणतो की मला आता घर सोडायचा आहे. त्या वेळेला लोक म्हणतात की, काहीतरी सासू मध्ये प्रॉब्लेम आहे. कळलं का जशी ही शिवसेनेची सासू आतमध्ये बसली आहे ना; तिचा प्रॉब्लेम आहे, असं सांगत राज ठाकरे यांनी थेट उद्धव ठाकरे यांच्यावर निशाणा साधला आहे.
आपल्याकडून चूक होऊ देऊ नका, कोणी दबाव आणला तर अजित पवार तुमच्या पाठीशी; शरद पवार, सुप्रिया सुळेंवर टीका टाळत दादांचा सेफ गेम
ही जी मुलं सोडून गेली ना त्यांचा नाही प्रॉब्लेम, हा प्रॉब्लेम सासूचा आहे, असं सांगत मला असं वाटतं की एक गोष्ट लक्षात घ्या की या लोकांनी तुमच्या मतांचा अपमान केला आहे. त्याचा बदला तुम्ही घेतला पाहिजे आणि मला असं वाटतं की ही निवडणूक त्याचीच आहे, असे राज ठाकरे म्हणाले.

महाराष्ट्रात मी या सगळ्या गोष्टी सांगत आहे, ते हेच की जर का या सगळ्या गोष्टीची आणि प्रसारण केली ना आणि जर का ते जे झाले तर मला असं वाटतं की महाराष्ट्रात संपला म्हणून समजायचं, अशा शब्दात राज ठाकरे यांनी उद्धव ठाकरे व महाविकास आघाडी वरती जोरदार तोफ डागली आहे.
अनिल देशमुख यांच्यावर हल्ला, भाजपच्या कार्यकर्त्यांनी हल्ला केल्याचा माजी गृहमंत्र्यांचा आरोप; भाजपने दिले उत्तर
आज मी तुमच्याकडे आलो आहे तर केवळ 2019 पासून काय घडलं ते अजिबात विसरू नका आणि या सगळ्या गोष्टीला हे जे काय आजवर घडलं आहे त्या सगळ्या गोष्टीला एकमेव माणूस जबाबदार आहे आणि त्याचं नाव आहे उद्धव ठाकरे अशा शब्दात राज ठाकरे यांनी उद्धव ठाकरे यांच्या वरती जहरी टीका केली. हा एकच माणूस दुसरं कोणी नाही तिथून सगळे सुरुवात झाली. राज ठाकरे यांनी सांगितले की, बघा याच माणसाच्या वागणुकीमुळे पहिल्यांदा राणे बाहेर पडले, मग मी बाहेर पडलो, मग शिंदे बाहेर पडले.
आज अजित एकटा पडला, याच गोष्टीच दुःख; बारामतीकरांनी त्याच्या पाठीशी राहावे; अजित पवारांच्या आईचं भावनिक आवाहन
पण जो माणूस बाळासाहेबांना सगळ्यात पहिल्यांदा त्रास देऊन गेला ते छगन भुजबळ. त्या भुजबळांबरोबर हा माणूस मातोश्री वरती जेवायला बोलवतो म्हणजे त्यांनी बाळासाहेबांना त्रास दिला त्याचं याला काहीच नाही आणि बाकीचे सगळे याचे शत्रू अशा शब्दात राज ठाकरे यांनी उद्धव ठाकरे यांना सुनावला आहे. त्यामुळे वीस तारखेला मतदान करताना या सगळ्याचा विचार करा अशा शब्दात राज ठाकरे यांनी उद्धव ठाकरे यांच्याबद्दल असलेल्या नाराजीला निवडणुकीच्या शेवटच्या प्रचार टप्प्यात वाचा फोडली आहे.