शुभम बोडके, नाशिकः नाशिकच्या गंगापूर परिसरात घराचे बांधकाम सुरू असताना दुर्घटना घडली आहे. घराची भिंत कोसळल्यामुळे दोन मजुरांचा या दुर्घटनेत मृत्यू झाला आहे. तर, दोन कर्मचारी यात गंभीर जखमी झाले आहेत. या घटनेमुळे नाशिक शहर परिसरात एकच खळबळ उडाली आहे. दुर्घटनेत गंभीर जखमी मजुरांवर रुग्णालयात उपचार सुरू आहेत. नाशिकच्या गंगापूर भागात ही दुर्दैवी घटना घडली आहे.
विजय वडेट्टीवारांचं भाजपवर टीकास्त्र, म्हणाले- मोदींची वॉरंटी मात्र काँग्रेसची न्यायाची गॅरंटीमिळालेल्या माहितीनुसार, नाशिकच्या गंगापूर रोड भागातून दुर्दैवी घटना समोर आली आहे. या भागात भाजपच्या माजी जिल्हाध्यक्ष केदा आहेर यांच्या नवीन घराचं बांधकाम सुरु आहे. या घराचं बांधकाम सुरु असताना भिंत कोसळल्याची घटना घडली. या दुर्देवी घटनेत दोन कामगारांचा मृत्यू झाला. गोकुळ संपत पोटिंदे आणि प्रभाकर काळू बोरसे असं या मजुरांचं नाव आहे. सोमवारी ही घटना घडली. नव्या घराची भिंत कोसळल्याने या दोन कामगारांचा मृत्यू झाला आहे. तर दोन कामगार जखमी झाल्याची माहिती हाती आली आहे. अनिल रामदास जाधव आणि संतोष तुकाराम दरोगे असं जखमींचे नाव आहे. जखमींवर रुग्णालयात उपचार सुरू असून या दुर्दैवी घटनेनंतर तात्काळ गंगापूर पोलीस घटनास्थळी दाखल होत त्यांनी पुढील तपास सुरू केला आहे.

आज सोमवार (८ एप्रिल) रोजी दुपारच्या दरम्यान इमारतीच्या पाया भरणीसाठी बांधली जाणारी भिंत कोसळल्याने हा अपघात झाल्याची माहिती समोर आली आहे. या घटनेमुळे परिसरात एकच खळबळ उडाली आहे. या अपघाताच्या संदर्भात गंगापूर पोलिसांकडून अधिकचा तपास सुरू करण्यात आला आहे. नाशिकच्या गंगापूर परिसरात ही घटना घडली असून या घटनेत गंभीर असलेल्या कर्मचाऱ्यांवर नाशिकच्या जिल्हा रुग्णालयात उपचार सुरू आहेत. हे घर नाशिक भाजपचे माजी जिल्हाध्यक्ष केदा आहेर यांचे असल्याचे देखील माहिती समोर येत आहे. घराचे काम सुरू असताना अचानक भिंत कोसळल्याने ही घटना घडल्याचं स्थानिकांनी सांगितलं.