मुंबई : भरधाव आणि निष्काळजीपणे दुचाकी चालवणे दोन तरूणांच्या आणि एका पादचाऱ्याच्या जीवावर बेतले आहे. घाटकोपरमध्ये दुचाकीने दिलेल्या धडकेमुळे झालेल्या अपघातात पादचारी आणि दुचाकीवरील दोघांचा मृत्यू झाला. अहमदी अन्सारी, मुझ्झफर शाह आणि सुरेश कराटे अशी अपघातात ठार झालेल्यांची नावे आहे.घाटकोपर पश्चिमेकडील लाल बहाद्दूर शास्त्री मार्गावर आज सोमवारी पहाटे साडेचारच्या सुमारास अहमदी आणि त्याचा मित्र मुझ्झफर हे दोघे दुचाकीवरून जात होते. भरधाव वेगात असलेल्या या दोघांनी शाही हॉटेलसमोर पादचारी युरेश कराटे (६२) यांना धडक दिली. दुचाकी वेगात असल्याने या धडकेत सुरेश दूरवर फेकले गेले. यामुळे दुचाकीवरील नियंत्रण सुटल्याने अहमदी आणि मुझ्झफर हे दोघेही फेकले गेले.
Hardik Pandya: अहमदाबादमध्ये तर ट्रेलर होता! वानखडेवर मुंबई इंडियन्सचे चाहते हार्दिकला संपूर्ण चित्रपट दाखवणार

अपघाताची माहीती मिळताच घाटकोपर पोलिस घटनास्थळी पोहोचले. येथील नागरिकांच्या मदतीने अपघातात जखमी झालेल्या तिघांना राजावाडी रूग्णालयात नेण्यात आले. डोक्याला गंभीर दुखापत झाल्याने सुरेश यांच्यासह दुचाकीवरून अहमदी आणि मुझ्झफर या दोघांचा अपघातात मृत्यू झाला.