मुंबई: गेल्या आठवड्यात महाराष्ट्र नवनिर्माण सेनेचे अध्यक्ष राज ठाकरेंनी दिल्लीत जाऊन केंद्रीय मंत्री अमित शहांची भेट घेतली. दोन्ही नेत्यांमध्ये युती आणि लोकसभा निवडणुकीबद्दल ४० मिनिटं चर्चा झाली. यानंतर राज मुंबईत परतले. मग मुंबईत बैठकांचा सिलसिला सुरू झाला. मुख्यमंत्री एकनाथ शिंदे, उपमुख्यमंत्री देवेंद्र फडणवीस यांनी राज ठाकरेंची ताज लँड्स एन्ड हॉटेलमध्ये भेट घेतली.

महायुतीमधील जागावाटपाचा पेच कायम आहे. भाजप ३० पेक्षा अधिक जागांवर लढण्यास आग्रही आहे. शिंदेंची शिवसेना १६ ते १७ जागांवर लढण्यास उत्सुक आहे. तर राष्ट्रवादीनं ७ जागांचा आग्रह धरला आहे. त्यातच रासपचे महादेव जानकर महायुतीत परतले आहेत. त्यांच्यासाठी एक जागा सोडण्यात येणार आहे. अशा परिस्थितीत मनसेला लोकसभेची जागा देणं भाजपला अवघड जाऊ शकतं.
शिंदेंच्या हातून शिवसेना जाणार? भाजपचा धडकी भरवणारा प्रस्ताव; राजकीय कारकीर्द संपण्याची भीती
लोकसभेच्या जागावाटपात मनसेला वाटा देणं कठीण असल्यानं भाजपनं राज ठाकरेंना नवा प्रस्ताव देण्याची शक्यता आहे. राज यांचे विश्वासू सहकारी आणि माजी आमदार बाळा नांदगावकर यांना राज्यसभेची जागा दिली जाऊ शकते. नांदगावकर शिवडीचे आमदार राहिले आहेत. त्यांना राज्यसभेवर पाठवण्याचा प्रस्ताव राज यांना दिला जाऊ शकतो. नवभारत टाईम्सनं याबद्दलचं वृत्त दिलं आहे.
…तर महायुतीतून बाहेर पडू; राष्ट्रवादीकडून निर्वाणीचा इशारा, अंतर्गत वाद टोकाला
राज्यसभा आणि विधान परिषदेची प्रत्येकी एक जागा मनसेला दिली जाऊ शकते. नांदगावकर यांना राज्यसभा आणि राज यांचे चिरंजीव अमित ठाकरेंना राज्यपाल कोट्यातून विधान परिषदेची आमदारकी देण्याचा प्रस्ताव दिला जाऊ शकतो. महाराष्ट्रातील राज्यसभेची एक जागा लवकरच रिक्त होईल. केंद्रीय मंत्री पियूष गोयल उत्तर मुंबईतून लोकसभेची निवडणूक लढवणार आहेत. त्यांचा विजय जवळपास निश्चित मानला जात आहे. गोयल लोकसभेवर गेल्यास राज्यसभेची जागा रिक्त होईल. त्यांच्या जागी भाजप नांदगावकर यांना संधी देऊ शकतो.