CityFlo आणि नवकारकडून सेवा

मेट्रो मार्गिका 3 सुरू झाल्यानंतर नोव्हेंबर 2025मध्ये प्रायोगिक तत्वावर सुरू करण्यात आली होती. मेट्रो लाइन 3च्या सात महत्त्वपूर्ण स्थानकांवरून ही सेवा सुरू केली होती. मेट्रोमधून बाहेर पडताच प्रवाशांना वाहतूक कोंडीशिवाय घरी पोहचवून त्यांचा प्रवास आरामदायी करणं या सेवेचं उद्दिष्ट होतं. यासाठी सिटीफ्लो आणि नवकार ट्रॅव्हल्स या खासगी कंपन्यांसोबत बस सेवा देण्यात आली. परंतु, अनेक स्थानकांवर गर्दीच्या वेळीही या बस मोकळ्याच राहत आहेत. त्यामुळे आता सात ऐवजी केवळ मुख्य तीन स्थानकांवर ही सेवा सुरू ठेवण्यात येणार आहे.Women’s Day: भुयारी मेट्रोची कमान महिलांहाती! CSMT आणि मरोळ नाका स्थानकांची जबाबदारी; महिला दिनानिमित्त विशेष उपक्रम

नोव्हेंबर 2025पासून मुंबई मेट्रो 3च्या वांद्रे कुर्ला संकुल, वरळी, छत्रपती शिवाजी महाराज टर्मिनस (CSMT), विद्यानगरी, सिद्धिविनायक, कफ परेड आणि सीप्झ या सात स्थानकांवर या बस सेवा उपलब्ध होत्या. सकाळी 7 ते 11 आणि संध्याकाळी 4 ते रात्री 8 दरम्यान बस सेवा सुरू असायची. यावेळी ऑफिस व शाळा, महाविद्यालयात जाणारे प्रवासी सर्वाधिक संख्येत प्रवास करतात. यावेळी लोकलला गर्दी असून, मुंबईतील रस्त्यांवरही प्रचंड वाहतूक कोंडी असते. त्यामुळे मेट्रोमधून उतरून पुढच्या प्रवासात नागरिकांना गर्दी वर कोंडीचा सामना करावा लागू नये म्हणून त्यांच्या साठी फीडर बस सुरू केल्या. या बस दर 10 मिनिटांनी उपलब्ध होत्या. प्रवासी आसापासच्या व्यावसायिक केंद्र आणि कार्यालयांपर्यंत आरामात व वेळेत पोहचू शकतात.

प्रतिसाद का मिळाला नाही?

पण या फीडर बसला अपेक्षेप्रमाणे प्रतिसाद मिळाला नाही. त्यामुळे आता वांद्रे कुर्ला संकुल, सीएसएमटी व कफ परेड या तीन महत्त्वाच्या स्थानकांवरच ही सेवा सुरू ठेवण्याचा निर्णय MMRCL ने घेतला आहे. या फीडर बसमध्ये एका फेरीसाठी 29 रुपये तिकिट असून मासिक पास 499 रुपये आहे. मेट्रोचे तिकिट काढल्यानंतर काही प्रवाशांना ही किंमत मोठी वाटू शकते. दरम्यान, या परिसरातील बरेच कामगार मुंबईच्या वेगवेगळ्या भागांमधून लोकलने प्रवास करतात. अशा नागरिकांना लोकल, मेट्रो नंतर आणखी एका बस सेवेचे तिकिट काढणे शक्य होत नसावे असा अंदाज आहे.