म. टा. प्रतिनिधी, पुणे : पुणे लोकसभा मतदारसंघातील मतदारसंख्या २० लाखांपेक्षा जास्त असून, गेल्या निवडणुकीच्या तुलनेत साडेपाच हजारांहून अधिक मतदारांची वाढ झाली आहे. पुणे लोकसभेत सर्वाधिक मतदारसंख्या वडगाव शेरी विधानसभा मतदारसंघात, तर सर्वांत कमी मतदारसंख्या पुणे कँटोन्मेंट विधानसभा मतदारसंघात आहे.

साडेपाच हजारांनी मतदारवाढ

पुणे लोकसभा मतदारसंघात सहा विधानसभा मतदारसंघांचा समावेश होतो. शहरातील एकूण मतदार संख्येत १० लाख २८ हजार ८४३ पुरुष मतदार, तर नऊ लाख ७४ हजार १६५ महिला मतदार आहेत. तृतीयपंथी मतदारांची संख्या ३०८ आहे. मतदानापूर्वी १० दिवस आधीपर्यंत मतदार नोंदणी करता येणार आहे. त्यामुळे मतदारांच्या संख्येत आणखी वाढ होण्याची शक्यता आहे.
लोकसभा निवडणुकीची आचारसंहिता लागू होताच पालिकेचा बडगा, नेतेमंडळीचे बॅनर्स हटविले

कसब्यात कमी मतदान केंद्रे

पुणे शहरातील सहा विधानसभा मतदारसंघांत एकूण दोन हजार १८ मतदार केंद्रे आहेत. त्यात सर्वाधिक ४५३ मतदान केंद्रे वडगावशेरी मतदारसंघात आहेत. कसबा विधानसभा मतदारसंघात सर्वांत कमी २७० मतदान केंद्रे आहेत.

पुणे लोकसभा मतदारसंघातील विधानसभानिहाय मतदारसंख्या

मतदारसंघ पुरुष मतदारांची संख्या महिला मतदारांची संख्या तृतीयपंथी मतदार एकूण मतदारसंख्या

वडगावशेरी २,३५,३२२ २,१७,२०५ १०१ ४,५२,६२८

शिवाजीनगर १,३८,५१४ १,३४,२४३ ४१ २,७२,७९८

कोथरूड २,१०,५७१ १,९०,८२८ २० ४,०१,४१९

पर्वती १,७१,२९९ १,६२,७४९ ८८ ३,३४,१३६

पुणे कँटोन्मेंट १,३७,९२२ १,३१,६३८ २८ २,६९,५८८

कसबा पेठ १,३५,२१५ १,३७,५०२ ३० २,७२,७४७

एकूण मतदारसंख्या १०,२८,८४३ ९,७४,१६५ ३०८ २०,०३,३१६

दृष्टिक्षेपात पुणे जिल्ह्यातील निवडणूक

८,३८२

जिल्ह्यातील एकूण मतदान केंद्रे

७८ हजार

मतदान केंद्रीयस्तरीय अधिकारी, कर्मचारी

४४ हजार

ईव्ही मशिन

३,६७५

वाहनांची आवश्यकता

पुणे लोकसभा मतदारसंघातील मतदार

वर्षे मतदारसंख्या

२००९ १८,०६,९९३

२०१४ १८,३५,८३६

२०१९ १९,९७,५९४

२०२४ २०,०३,३१६