मुंबई : महाराष्ट्रातील लोकसभेच्या ४८ जागांबाबत महायुतीमध्ये अद्याप तोडगा निघालेला नाही. मुंबईतील बैठकीत निर्णय न झाल्यानं अमित शाह यांच्या उपस्थितीत दिल्लीत बैठक झाली. दिल्लीतील मुख्यमंत्री एकनाथ शिंदे, उपमुख्यमंत्री अजित पवार, सुनील तटकरे, प्रफुल पटेल यांच्या उपस्थितीत बैठक पार पडली आहे. या बैठकीतही जागावाटपावर अंतिम तोडगा निघाला नसल्याची माहिती आहे. दिल्लीत येत्या दोन दिवसांमध्ये पुन्हा बैठक होईल अशी माहिती आहे. भाजपनं गेल्या लोकसभा निवडणुकीत २५ जागा लढवलेल्या होत्या. यावेळी भाजपचा ३२ ते ३५ जागा लढवण्याचा प्रयत्न आहे. यामुळे मित्रपक्ष असलेल्या एकनाथ शिंदे यांची शिवसेना आणि अजित पवार यांची राष्ट्रवादी काँग्रेस यांची चिंता वाढली आहे.

कमी जागा मिळाल्यास शिंदे पवारांची अडचण?

भाजप लोकसभेच्या जागा वाटपात ३२ ते ३५ जागा लढवून मित्रपक्ष असलेल्या एकनाथ शिंदे आणि उपमुख्यमंत्री अजित पवार यांच्या पक्षांना मोजक्या जागा सोडण्याची शक्यता आहे. यावरुन जागा वाटपाची चर्चा अडलेय. अमित शाह यांनी शिंदे आणि पवारांना जिंकू शकणाऱ्या जागा देऊ असं म्हटलं होतं.
शहांनी कोंडी फोडली? महायुतीचं जागावाटप जवळपास निश्चित; शिंदेंची किती जागांवर बोळवण?
भाजपच्या या भूमिकेमुळं एकनाथ शिंदे आणि अजित पवारांना नेत्यांच्या नाराजीची भीती आणि सोबत आलेल्या काही नेत्यांच्या घरवापसीची भीती वाटत असल्याची चर्चा आहे.
शिंदेंना जेवढ्या जागा तेवढ्याच आम्हाला द्या, भुजबळांची मागणी, आता अजितदादा थेट अमित शाहांसोबत चर्चा करणारRead Latest Maharashtra News Updates And Marathi News

एकनाथ शिंदे आणि अजित पवार यांच्या काही उमेदवारांना भाजपच्या चिन्हावर निवडणूक लढवण्याच्या पर्यायाचा विचार समोर आल्यानं शिवसेना आणि राष्ट्रवादीच्या केडरमध्ये अस्वस्थता आहे. आपण आपल्या पक्षाच्या चिन्हावर जिंकू शकत नाही तर भाजपच्या चिन्हावर कसा विजयी होईल अशी चर्चा सेना राष्ट्रवादीच्या संघटनेत आहे.
शिवसेना शिंदे गटाच्या पाच जागांवर भाजपचा डोळा, भाजप ‘३०पार’वर ठाम, तिढा लवकरच सुटण्याचे संकेत

छोट्या मित्रपक्षांची चर्चाच नाही

महायुतीतील प्रमुख पक्ष भाजप, शिवसेना आणि राष्ट्रवादी काँग्रेस यांच्यातील जागा वाटपाचा तिढा सुटलेला नाही. त्यामुळं भाजपच्या मित्रपक्ष चर्चेबाहेर आहेत. मागील वेळेप्रमाणं यावेळी देखील महायुतीतील छोट्या मित्रपक्षांना काही हाती न लागण्याची चिन्ह आहेत. रामदास आठवले दोन, नवनीत राणा यांचा युवा स्वाभिमान पक्ष एक आणि महादेव जानकर यांच्या रासपनं एक जागा मिळावी, अशी अपेक्षा केलेली आहे.