बारामती: शरद पवार यांच्या बाजूने त्यांचे नातू युगेंद्र पवार आता उभे राहिले आहेत. त्यांनी थेट काका अजित पवार यांच्या विरोधात मोर्चा सांभाळला आहे. युगेंद्र पवार यांनी सुप्रिया सुळे यांचा प्रचार करण्यास सुरुवात केली आहे. आज गावभेट दौरा सुरू असताना युगेंद्र पवार यांनी शरद पवार यांचे कौतुक केलं आहे.

आपल्या आजोंबाबद्दल युगेंद्र पवार म्हणतात की, खर तर मी राजकारणात जास्त नव्हतो. पण मी सामाजिक कामातून सक्रिय होत आहे. बारामती तालुक्याच्या कुस्ती संघाची, विद्या प्रतिष्ठानची जबाबदारी माझ्यावर आहे. खर आपल्या सर्वांना एक अनुभव आला असेल की आपण कुठे ही राज्यात जावो, देशात जावो आपण तिथे गेल्यावर सांगितले की, मी बारामतीचा आहे तर आपल्याकडे बघण्याची नजर लोकांची वेगळी असते. कारण आपण बारामतीवरून आलो आहोत. पवार साहेबांच्या गावावरून आलो आहोत. त्यामुळे पवार साहेबांमुळे आपल्याला बाहेर गेल्यावर ओळख मिळते. असा अनुभव आपल्या सर्वांना आला असेल.

त्यामुळे येणाऱ्या अडचणीच्या काळात आपण पवार साहेबांसोबत उभे राहणे गरजेचे आहे, त्यांना साथ देणे गरजेचे आहे, असे युगेंद्र पवार म्हणाले. युगेंद्र पवार यांनी शरद पवार यांच्या सोबत गेल्याने राजकीय समीकरणं देखील बदलू लागली आहेत. युगेंद्र यांनी आत्याच्या प्रचारासाठी गावभेट दौरे सुरू केले आहेत. त्यात ते नागरीकांच्या बैठका घेत त्यांना मार्गदर्शन करत आहेत.

शरद पवार साहेब हे बारामतीकरांसाठी काय आहेत. त्यांच्यामुळे आपली बारामती कुठे पोहचली आहे, बारामतीची जगभरात ओळख कशी आहे, असे सांगत संकटाच्या काळात त्यांच्या पाठीशी उभे राहणे गरजेचे असल्याचे युगेंद्र पवार म्हणालेत.