बुलढाणा : भाजपचे आमदार गणपत गायकवाड यांच्या गोळीबाराचं प्रकरण ताजे असताना इकडे बुलढाण्याचा शिवसेनेचे शिंदे गटाचे आमदार संजय गायकवाड यांनी मिरवणुकीदरम्यान एका युवकाला अमानुष मारहाण केल्याचा प्रकार समोर आला आहे. विशेष म्हणजे, पोलिसांच्या हातातून लाठी हिसकावून संजय गायकवाड यांनी एखाद्या जनावराला बदडल्यासारखं पीडित व्यक्तीला बेदम मारहाण केली. या घटनेचा व्हिडिओ समाजमाध्यामांमध्ये व्हायरल होत आहे. ड्रग्स, डान्सबार आणि राज्यातील बिघडलेली कायदासुव्यस्था हे मुद्दे ऐरणीवर असताना सत्ताधारी पक्षाच्या आमदाराचं अशाप्रकारचं टपोरी वर्तन बघून राज्यातल्या जनतेकडून संताप व्यक्त करण्यात येत आहे.शिवजयंतीच्या दिवशी त्यांनी केलेल्या वाघाच्या शिकारीचे वक्तव्य आणि त्यानंतर एक शेतजमीन हडपल्याचे प्रकरण ज्यामध्ये आता गुन्हा देखील दाखल झाला आहे. ही घटना ताजी असताना संपूर्ण जिल्ह्यात त्यांचा युवकाला मारहाण केल्याचा व्हिडिओ व्हायरल होत आहे.
स्वतंत्र लढलो तर किमान लोकसभेच्या ६ जागा जिंकू, जागावाटपाची चर्चा सुरू असतानाच आंबेडकरांचं विधान
नेमकं काय कारण होतं की आमदारसारख्या जबाबदार पदावर असलेल्या लोकप्रतिनिधीला तिथे उपस्थित पोलीस असताना स्वतःच्या हातात कायदा घेऊन त्या युवकाला मारहाण करावी लागली. हे मात्र अद्याप स्पष्ट झालेलं नाही. मात्र, हा व्हिडिओ व्हायरल झाल्यानंतर संपूर्ण जिल्ह्यामध्ये खळबळ माजली आहे.

कोण आहेत आमदार संजय गायकवाड?

संजय गायकवाड हे शिवसेना शिंदे गटाचे ते आमदार आहेत.
बुलढाणा मतदारसंघाचे ते प्रतिनिधित्व करतात.
वादग्रस्त वक्तव्यांसाठी गायकवाड सतत माध्यमांमध्ये चर्चेत असतात.