रायगड : रायगड लोकसभा मतदारसंघाचे महाविकास आघाडीचे लोकसभेचे उमेदवार माजी खासदार अनंत गीते यांनी विद्यमान खासदार सुनील तटकरे यांना जाहीर आव्हान दिलं आहे. हिम्मत असेल तर या अनंत गीतेच्या विरोधात उभे राहून दाखवा मग त्यांची अवस्था काय होईल ते कळेल, असं ते म्हणाले. भाजपाने सर्व्हे केला आहे आणि त्या सर्व्हेमध्ये जर का सुनील तटकरे यांना उमेदवारी दिली तर ते एक लाख वीस हजार मतांनी पडतील असा भाजपाच्या सर्व्हेचा अहवाल असल्याचा दावा अनंत गीते यांनी केला आहे.खुलं आव्हान आहे जर का खरोखरचं हिम्मत असेल तर सुनील तटकरे यांनी अनंत गीते यांच्या विरोधात निवडणूक लढवून दाखवावी असं आपलं जाहीर खुले आव्हान आहे असा पुनरुचार गीते यांनी रायगड येथे एका सभेत बोलताना केला आहे. त्यांनी खरोखर हिम्मत करून दाखवावी मग त्यांची काय अवस्था होते ते बघावं. भाजपच्या सर्व्हेमध्ये तटकरे एक लाख वीस हजार मतांनी हरणार आहेत आणि ही जर का ही उमेदवारी भाजपाला दिली तर ते सांगतात की आम्ही फक्त ८० हजारांनी हरणार आहोत. ते सुद्धा ते जिंकणार असं म्हणत नाही. त्यामुळे त्यांच्या आट्यापाट्या चालू द्या ज्यांना कोणाला उमेदवारी द्यायची ती देऊ द्या, जो कोणी ज्याला कोणाला बात करायची तर करू द्या, असं अनंत गीते म्हणाले.
Read Latest Maharashtra News And Marathi News

रायगडच्या जनतेवर रायगडच्या मतदारावरती आपला पूर्ण विश्वास आहे. रायगडच्या जनतेने निर्धार केला आहे निर्णय घेतला आहे की, रायगड लोकसभा मतदारसंघाचा खासदार हा अनंत गीतेच होणार आहेत असा निर्धार रायगडच्या जनतेने केला आहे असा विश्वास गीते यांनी व्यक्त केला.
तटकरेंची इच्छा नाही पण पक्षाकडून दबाव, आदितींना लोकसभेची संधी की भाजपकडून धैर्यशील रिंगणात?
रायगडची जनता देखील लोकसभा निवडणुकीची वाट पाहत आहे. तटकरे यांनी राजकीय जन्मापासून विश्वासघात केलेला आहे. राजकीय जन्म त्यांना ज्यांनी दिला त्या बॅ. ए. आर. अंतुलेंचा विश्वासघात केला. ज्यांचं राजकारण संपत आलेलं, रायगडमधून हद्दपार व्हायची वेळ आली होती त्या जयंत पाटलांचा विश्वासघात केला. ज्या शरद पवारांनी त्यांच्या कुटुंबाला राजकारणाच्या शिखरावर नेऊन बसवलं त्यांच्यासोबतही विश्वासघात केला. या विश्वासघातक्यांना धडा शिकवण्याची वाट रायगडची जनता बघतेय, असं अनंत गीते म्हणाले.
शरद पवारांना मिळाली तुतारी, बघू गावागावात किती ऐकणार म्हातारी, शायराना अंदाजात आठवलेंची टीका
अजितदादांच्या राष्ट्रवादीचे प्रदेशाध्यक्ष विद्यमान खासदार सुनील तटकरे यांना आता माजी खासदार अनंत गीते यांनी थेट खुले आव्हान दिल आहे आता या सगळ्यावरती खासदार सुनील तटकरे हे कोणती प्रतिक्रिया देतात हे पाहणं महत्त्वाचं ठरणार आहे.