सोलापूर : माळशिरस येथील राष्ट्रवादीचे नेते उत्तम जानकर हे लवकरच राष्ट्रवादी काँग्रेसला सोडचिठ्ठी देण्याच्या तयारीत आहेत. या संदर्भात स्वतः उत्तम जानकर यांनी तसे स्पष्ट संकेत दिले आहेत. त्यामुळे माढ्यात अजित पवार गटाला मोठा धक्का बसण्याची शक्यता वर्तवली जात आहे.मी जन्मजातच भाजपमध्ये आहे. मध्यल्या काळात काही राजकीय तडजोडीमुळे राष्ट्रवादी गेलो असलो तरी मी भाजपच्या विचारधारेशी एकनिष्ठ असल्याचे त्यांनी स्पष्ट केले आहे. त्यांच्या या विधानानंतर लवकरच अजित पवारांना सोडून भाजपमध्ये प्रवेश करतील अशी चर्चा सुरू झाली आहे.
अजितदादा-सुनेत्रा पवारांच्या बारामतीत सभा, लेकीसाठी शरद पवारही मैदानात, महत्त्वाची बैठक बोलावली, रणनीती ठरवणार!

उत्तम जानकर हे सोलापूर लोकसभा मतदारसंघातून भाजपकडून निवडणूक लढविण्यासाठी इच्छुक आहेत. त्यांनी तशी चाचपणी देखील सुरू केली आहे. जानकर हे सध्या अजित पवारांच्या राष्ट्रवादी काँग्रेस पक्षात असूनही त्यांनी भाजपकडून निवडणूक लढविण्याची तयारी सुरू केल्याने राजकीय निरीक्षकांच्या भुवया उंचावल्या आहेत.
शिरुरमध्ये जिंकणार जरुर, आढळरावांना विश्वास; पण शिंदेंची साथ सोडून नव्या पक्षप्रवेशाची तयारी?

दरम्यान उत्तम जानकर यांच्या उमेदवारीला स्थानिक भाजप पदाधिकाऱ्यांनी विरोध दर्शवल्याने चर्चांना उधाण आले आहे. दरम्यान, उत्तम जानकर यांच्या ‘जन्मजात भाजप’ विधानाने लोकसभेच्या तोंडावर अजित पवार गटाला तगडा झटका बसणार असल्याची चिन्हे आहेत.