पुणे : राज्यात अनेक ठिकाणी अवकाळी पावसाने धुमाकूळ घातला आहे. या अवकाळी पावसामुळे राज्यभरातील शेतकऱ्यांचे मोठं नुकसान झालं आहे. शेतकऱ्यांच्या तोंडचा घास या अवकाळी पावसामुळे हिरावून घेतला गेला आहे. एकीकडे अवकाळी पावसाने थैमान घातलं असताना पुण्यात मात्र तापमानाचा पारा कमालीचा वाढला आहे. मागील दोन दिवसांपासून पुणे शहर आणि जिल्ह्याच्या तापमानात लक्षणीय वाढ झाली आहे.गेल्या दोन दिवसापासून हवामान बदलामुळे पुणे शहर आणि जिल्ह्याच्या तापमानात वाढ झाली आहे. बुधवारी पुणे शहराचं तापमान १८ अंश सेल्सिअसच्या पुढे गेले होते. पुण्यात बुधवारी १८.१ अंश सेल्सिअस इतक्या तापमानाची नोंद झाली आहे. गेल्या दोन दिवसात पुण्यातून थंडी गायब झाली असून उन्हाचा चटका पुणेकरांना सोसावा लागत आहे. दुपारच्या वेळेस उन्हाचा चटका पुणेकरांना सोसावा लागत आहे. मात्र, ढगाळ वातावरणामुळे काही ठिकाणी तुळस पाऊस देखील पडला असं असलं तरी देखील पुण्यामध्ये कडक उन्हाळा सुरू झाल्याचं चित्र रस्त्यांवर दिसत आहे.
Read Latest Maharashtra News And Marathi News
मुंबईत हुडहुडी वाढली, पारा १५ अंशावर, आठवडाभर पहाटे गारवा; पाच जिल्ह्यांना ऑरेंज अलर्ट
पुढील दोन दिवस पुणे शहरातील हवामान कोरडे राहणार असून २ मार्चनंतर उत्तरीय वाऱ्यामुळे शहरातील तापमानात काही अंशी घट होण्याची शक्यता हवामान विभागाने वर्तवली आहे. बंगालच्या उपसागराहून येणाऱ्या आद्रतेमुळे गरम हवा येत आहेत. त्यामुळे येत्या दोन दिवसात विदर्भासह मध्य महाराष्ट्र आणि मराठवाड्यात काही भागात मेघगर्जनासह पाऊस पडण्याची शक्यता पुणे वेधशाळेने वर्तवली आहे. तर तुरळक ठिकाणी गारपीट होण्याची शक्यता देखील हवामान विभागाने वर्तवली आहे.
जालना जिल्ह्याला अवकाळीचा तडाखा, जाफराबादमध्ये वादळी वाऱ्यासह गारपीट, वीज कोसळून दोघांचा अंत

अवकाळीने तोंडचा घास पळवला

तीन-चार दिवसांपासून राज्यभरात अवकाळी पावसाने चांगला धुमाकूळ घातला आहे. विदर्भ आणि मराठवाड्यातील काही जिल्ह्यांत वादळी वाऱ्यासह अवकाळी पावसाने हजेरी लावली आहे. तर काही ठिकाणी गारपीट झाल्याने शेतकऱ्यांचं प्रचंड नुकसान झालं आहे. आता पुन्हा एकदा नव्याने ‘वेस्टर्न डिस्टर्बन्स’ सक्रीय झाल्याने राज्यभरात अवकाळी पावसाचा इशारा देण्यात आले असून काही ठिकाणी गारपीट होण्याची शक्यता देखील वर्तविण्यात आली आहे.