पंकज गाडेकर, वाशिम : पक्षाने जबाबदारी दिली तर यवतमाळ वाशिम लोकसभा मतदारसंघात निवडणूक लढण्यास इच्छुक असल्याचे माजी मुख्यमंत्री स्व. वसंतराव नाईक यांच्या नातसून मोहिनी नाईक यांनी बोलून दाखवले आहे. महाविकास आघाडीतून राष्ट्रवादी कॉंग्रेस (अजित पवार गट) कडून यवतमाळ वाशीम लोकसभा मतदारसंघात मोहिनी नाईक यांनी निवडणूक लढण्यास तयार असल्याचे मत व्यक्त केले.

लोकसभा निवडणुकीच्या आखाड्यात उतरण्यासाठी सज्ज असून पक्षाकडून संधी मिळाल्यास नक्कीच निवडणूक लढू असे सांगितले आहे. तर यवतमाळ वाशीम लोकसभेतील मतदारसंघात तश्या पद्धतीने तयारी सुद्धा सुरू केली असल्याचे चित्र पाहायला मिळत आहे. यवतमाळ वाशिममधून सध्या भावना गवळी शिवसेना (शिंदे गट) खासदार असून यावरुन महायुतीत बेबनाव होण्याची शक्यता नाकारता येत नाही.
पुणे म्हाडा अध्यक्षपद काय मला गप्प बसवण्यासाठी दिलं नाही! शिरुर लोकसभा लढवणारच, आढळरावांचा दावा
माजी मुख्यमंत्री आणि हरितक्रांतीचे प्रणेते स्व. वसंतराव नाईक यांचे नातू, म्हणजेच माजी मंत्री मनोहरराव नाईक यांचे पुत्र राष्ट्रवादी काँग्रेस अजित पवार गटाचे पुसद विधानसभा मतदारसंघाचे आमदार इंद्रनील नाईक यांच्या पत्नी मोहिनी नाईक यांनी यवतमाळ वाशिम लोकसभा मतदारसंघातून निवडणुकीची तयारी सुरू केली असून त्या दृष्टीने मतदारसंघात त्यांनी भेटीगाठी सुरू केल्या आहेत.
शिवसेनेच्या कार्यक्रमात स्थानिक खासदार भावना गवळीच अनुपस्थित; म्हणतात बिन बुलाये मेहमान, कशी जाऊ?
यवतमाळ वाशिम लोकसभा मतदारसंघात बंजारा समाजाचे मतदान निर्णायक आहे. तर देशातही बंजारा समाजाची लोकसंख्या मोठ्या प्रमाणात आहे. मात्र आज एकही बंजारा समाजातील महिला खासदार नसून यापूर्वी फक्त एक महिला खासदार होती. त्यामुळे महाविकास आघाडीने बंजारा समाजातील महिलेला निवडणुकीत संधी द्यायला पाहिजे जेणेकरून बंजारा समाजाची सेवा करता येईल असेही मोहिनी नाईक म्हणाल्या.

Read Latest Maharashtra News Updates And Marathi News

वसंतराव नाईक यांच्यामुळे समाजप्रेम करतो

हरित क्रांतीचे प्रणेते माजी मुख्यमंत्री स्व. वसंतराव नाईक आणि माजी मंत्री मनोहरराव नाईक यांच्या कार्यामुळे समाजाची आमच्यावर निष्ठा असून आम्ही यांच्या कुटुंबातील असल्यामुळे समाज आमच्यावर प्रेम करतो त्यामुळेच समाज आमच्यासोबत आहे आम्हाला जर समाजाची सेवा करण्याची संधी दिली तर आम्ही समाजाची अजून सेवा करू असेही मोहिनी नाईक यांनी म्हटले आहे.