पुणे : पुणे लोकसभेसाठी आमदार रवींद्र धंगेकर यांनी पुन्हा प्रचार सुरू केला आहे. यापूर्वीही पुण्यात ठिकठिकाणी धंगेकर यांचे भावी खासदार म्हणून बॅनर झळकले होते. कसबा पेठ विधानसभा मतदारसंघाचे आमदार रवींद्र धंगेकर हे लोकसभेसाठी इच्छुक असल्याचा चर्चा सुरू झाल्या होत्या. परंतु अंतर्गत वादामुळे धंगेकर यांनी लोकसभेचे बॅनर लावू नये, अशी कार्यकर्त्याना तंबी दिली होती. काँग्रेस पक्षात २० उमेदवार इच्छुक असल्याची यादीच समोर आली आहे. परंतु धंगेकर यांचंच नाव सर्वाधिक चर्चेत आहे. यामध्ये आता धंगेकर पॅटर्न असं पोस्टर सोशल मीडियावर व्हायरल झाल्यामुळे खासदारकीच्या चर्चेला पुन्हा उधाण आले आहे.

लोकसभा निवडणुका अवघ्या काही दिवसांवर आल्या आहेत. लोकसभेची तयारी ही भाजप आणि काँग्रेस पक्षाने सुरू केली, दिवंगत खासदार गिरीश बापट यांच्या निधनानंतर पुण्याचा खासदार कोण होणार याकडे अवघ्या राज्याचं लक्ष लागून राहिलं होतं. कारण कसबा विधानसभा पोटनिवडणुकीत भाजपच्या हेमंत रासने यांचा पराभव करून जायंट किलर ठरलेले रवींद्र धंगेकर पुन्हा निवडणुकीच्या मैदानात उतरणार असल्याची चर्चा होती. मात्र कसबा विधानसभेत पराभवाचा मोठा धक्का बसलेल्या भाजपला वचपा काढण्यासाठी लोकसभा जिंकणं हे प्रतिष्ठेचा विषय झालं आहे. उमेदवारी बाबत भाजपने सावध पवित्रा घेत गुप्तता पाळली आहे. मी एका बाजूला, सगळं पवार कुटुंब दुसरीकडे; अजितदादांच्या भावनिक आवाहनावर काकांचे खडे बोल
लोकसभेबाबत काँग्रेस पक्षही तयारीला लागला आहे. अशोक चव्हाण यांनी पक्षाला रामराम केल्यानंतर महाराष्ट्रात काँग्रेस पक्षाची मोठी हालचाल सुरू झाली आहे. काँग्रेसचे राष्ट्रीय शिबीर देखील लोणावळाला पार पाडत आहे. दरम्यान आमदार रवींद्र धंगेकर यांनी लोकसभेच्या प्रचाराला सुरुवात केली आहे.
काँग्रेस रक्तात, मरेपर्यंत पक्ष सोडणार नाही, भाजपला संपवणार, प्रणिती शिंदे आक्रमक

कसब्यात धंगेकर पॅटर्न असे पोस्टर छापून धंगेकर यांनी प्रचाराला सुरुवात केली आहे. प्रदूषण मुक्तीसाठी पुन्हा धंगेकर पॅटर्न, तर भयमुक्त होण्यासाठी पुन्हा धंगेकर पॅटर्न असे दोन पोस्टर व्हायरल केले आहेत. याबाबत आमदार रवींद्र धंगेकर यांना विचारला असताना धंगेकर म्हणाले, भारतीय जनता पार्टीने नागरिकांच्या पायाभूत सुविधांकडे कोणतेही लक्ष दिलेला नाही. आणि पुण्यात वाढत असलेल्या ड्रग्ज माफियामुळे तरुणाई हे बेरोजगारी आणि गुन्हेगारीकडे तर वळालीच आहे, असा आरोप धंगेकरांनी केला.

Read Latest Maharashtra News Updates And Marathi News

धंगेकर पॅटर्न यासाठी की कसबा विधानसभा निवडणुकीत भारतीय जनता पक्षाने त्यांची पूर्ण ताकद लावली होती. पैशाचं मोठ्या प्रमाणात वाटप केलं होतं. तरीसुद्धा लोकांनी धंगेकर यांनाच विजय प्राप्त करून दिला म्हणून हाच पॅटर्न सुद्धा लोकसभेत राबवावा अशी नागरिकांची इच्छा आहे. म्हणून त्याला आपण धंगेकर पॅटर्न असं म्हटलं आहे.