काल रात्रीच्या वेळी अचानक या इमारतीची भिंत झुकल्याचे निदर्शनास आले. त्यानंतर पिंपरी चिंचवड महापालिकेच्या बांधकाम विभागाचे अधिकारी घटनास्थळी दाखल झाले. त्यांनी या इमारतीची पाहणी केली. या इमारतीचे बांधकाम वाय पद्धतीचे आहे. म्हणजे चार ऐवजी फक्त दोन पिलरवरच ही भिंत उभी असल्याचे पहायला मिळत आहे.
काल या झुकलेल्या इमारतीला टेकू देण्यात आला. मात्र महापालिकेकडून ही इमारत पडण्याचा निर्णय घेतला शकतो. कारण जिथे ही इमारत बांधण्यात आली आहे. त्याच्या समोरच रहदारीचा मार्ग आहे. या रस्त्यावर मोठी गर्दी नेहमी असते. यामुळे ही इमारती जर कोसळली असती, तर मोठी हानी होऊ शकली असती. त्यामुळे ही इमारत पाडणे गरजेचेच असल्याचे स्थानिकांचे म्हणणे होते.
Read Latest Maharashtra News Updates And Marathi News
महापालिकेने आधी या इमारतीला पोकलेनच्या साह्यानं सरळ करण्याचे प्रयत्न केले होते. तसेच खालून सपोर्टही देण्यात आला. रात्री हे काम थांबवण्यात आले, मात्र आज महापालिकेकडून इमारत जमीनदोस्त करण्याबाबत निर्णय घेण्यात आला. मात्र ज्यांनी ही इमारत उभी केली त्यांनी याबाबत कोणतीही काळजी घेतली नव्हती का? याची देखील विचारपूस केली जात आहे.