नागपूर : नागपूर शहरातील गुन्हेगारांमध्ये कायदा आणि पोलिसांचा धाक पूर्णपणे संपला आहे. फेब्रुवारीच्या पहिल्या आठवड्यात चार खुनांच्या घटनेनं शहर हादरलं होतं. वाठोडा पोलीस ठाण्यांतर्गत असलेल्या ऑरेंज नगरमध्ये काल रविवारी एका सराईत गुन्हेगाराचा खून झाला. शेख फिरोज उर्फ पक्या शेख सत्तार असं मृतकाचं नाव आहे. परिसरातील वर्चस्वाच्या लढाईतून हा खून झाला आहे. या प्रकरणी पोलिसांनी दोन आरोपींना अटक केली आहे.
सध्या नागपूर शहरात खुनाची मालिका सुरू असल्याचे दिसून येत आहे. या महिन्यातील ही चौथी खुनाची घटना काल रात्री वाठोडा पोलीस ठाण्याच्या ऑरेंज नगर परिसरात असलेल्या स्मिथ बारच्या मागे घडली. वर्चस्वासाठी झालेल्या भांडणातून परिसरात राहणाऱ्या दोन गुन्हेगारी प्रवृत्तीच्या तरुणांनी शेख फिरोज वर धारदार शस्त्राने वार करून त्याची हत्या केली. या हत्या प्रकरणात पोलिसांनी ताब्यात घेतलेल्या आरोपींमध्ये सुमित साखरकर आणि प्रणय सरकार यांचा समावेश आहे.
सध्या नागपूर शहरात खुनाची मालिका सुरू असल्याचे दिसून येत आहे. या महिन्यातील ही चौथी खुनाची घटना काल रात्री वाठोडा पोलीस ठाण्याच्या ऑरेंज नगर परिसरात असलेल्या स्मिथ बारच्या मागे घडली. वर्चस्वासाठी झालेल्या भांडणातून परिसरात राहणाऱ्या दोन गुन्हेगारी प्रवृत्तीच्या तरुणांनी शेख फिरोज वर धारदार शस्त्राने वार करून त्याची हत्या केली. या हत्या प्रकरणात पोलिसांनी ताब्यात घेतलेल्या आरोपींमध्ये सुमित साखरकर आणि प्रणय सरकार यांचा समावेश आहे.
पोलिसांकडून मिळालेल्या माहितीनुसार, मृतक शेख फिरोज हा गुन्हेगारी प्रवृत्तीचा असून त्याच्यावर खून, बलात्कार, प्राणघातक हल्ला असे सुमारे २० गुन्हे दाखल आहेत. शेख फिरोज आपल्या कुटुंबासह ऑरेंजनगर येथे राहत होता आणि घराजवळ पानटपरी चालवत होता. रविवारी रात्री आरोपी सुमित याने शेख फिरोज याला बोलण्याच्या बहाण्याने सोबत नेले. त्यानंतर अंधारात सुमारे २०० मीटर अंतरावर नेऊन त्याचा मित्र प्रणय याच्यासोबत धारदार शस्त्राने वार करून त्याची हत्या करून घटनास्थळावरून पळ काढला.
रात्रभर शेख फिरोज घरी न आल्याने सोमवारी पहाटे ५ वाजण्याच्या सुमारास त्याची पत्नी कुटुंबीयांसह त्याचा शोध घेण्यासाठी बाहेर पडली. सुमारे तासभर शोध घेतल्यानंतर पानटपरी पासून काही अंतरावर शेख फिरोजचा मृतदेह आढळून आला. लोकांनी या घटनेची माहिती पोलिसांना दिली. पोलिसांनी घटनास्थळी पोहोचून मृतदेहाचा पंचनामा करून मृतदेह शवविच्छेदनासाठी रुग्णालयात पाठवला.
आरोपीला हॉटेलमधून अटक
आठवडाभरात चार खून झाल्याने पोलिसांमध्ये खळबळ उडाली आहे. पोलिसांनी आरोपीचा शोध सुरू केला. हत्या केल्यानंतर दोन्ही आरोपी रात्रभर परिसरातच फिरत होते. सकाळी त्यांनी त्यांच्या मैत्रिणींना फोन करून भेटायचा बोलावलं आणि ओयो हॉटेलमध्ये गेले. त्यानंतर दोन्ही आरोपींना वाठोडा परिसरामधील ओयो हॉटेलमधून त्यांच्या दोन मैत्रिणींसोबत असताना पोलिसांनी त्यांना ताब्यात घेतलं असून पुढील तपास सुरू केला आहे.
प्रशासनाने गुंडाळली ‘सेवा हमी’; कर्मचाऱ्यांकडून उडवाउडवीची उत्तरे, नागरिकांची मुख्यमंत्र्यांकडे धाव