पुणे : महाराष्ट्रातल्या राज्यकर्त्यांचं नेमकं गुन्हेगारांसोबत चाललंय तरी काय? असा प्रश्न आता राजकीय वर्तुळात उपस्थित होत आहे. एकीकडे मुख्यमंत्री एकनाथ शिंदे यांचे सुपुत्र खासदार श्रीकांत शिंदे यांच्या जन्मदिवसाच्या निमित्ताने पुण्यातील कुख्यात गुंड हेमंत दाभेकर याने भेट घेतल्याचा फोटो व्हायरल झाला, तर दुसरीकडे उपमुख्यमंत्री आणि पुण्याचे पालकमंत्री अजित पवार यांनी स्टुडंट्स इस्लामिक मूव्हमेंट ऑफ इंडिया’ (सिमी) या दहशतवादी संघटनेशी संबंधित असलेला संशयित आरोपी आसिफ दाढी याची भेट घेतल्याचे फोटो माध्यमांत व्हायरल होत आहेत.
एकच आठवड्यापूर्वी सिमी या दहशदतवादी संघटनेवरची बंदी केंद्रीय गृहमंत्री अमित शाह यांनी पाच वर्षांच्या कालावधीसाठी वाढवली आहे. त्यानंतरही अजित पवार यांनी संघटनेशी संबंधित संशयित असलेल्या आरोपी आसिफ दाढीची भेट घेतल्याने आश्चर्य व्यक्त केले जात आहे.
एकच आठवड्यापूर्वी सिमी या दहशदतवादी संघटनेवरची बंदी केंद्रीय गृहमंत्री अमित शाह यांनी पाच वर्षांच्या कालावधीसाठी वाढवली आहे. त्यानंतरही अजित पवार यांनी संघटनेशी संबंधित संशयित असलेल्या आरोपी आसिफ दाढीची भेट घेतल्याने आश्चर्य व्यक्त केले जात आहे.
उपमुख्यमंत्री अजित पवार यांचे शासकीय निवासस्थान असलेल्या देवगिरी बंगल्यावर गुरुवारी ही भेट झाली असल्याची माहिती आहे. या संबंधित फोटो सोशल मीडियावर व्हायरल झाला आहे. आसिफ दाढी याच्यावर यापूर्वी खून, खुनाचा प्रयत्न, अपहरण, खंडणी, जमीन बळकवणे यासारखे अनेक गंभीर स्वरूपाचे गुन्हे दाखल आहेत. मात्र आसिफ दाढी याने पुण्यात सामाजिक काम केल्याची माहिती देण्यासाठी भेट घेतल्याचं समजत आहे.
बिल्डरच्या जागेत घुसून नुकसान, शिंदे समर्थक महेश गायकवाडांवर गुन्हा, गोळीबाराच्या घटनेनंतर प्रकरण उघड
काही दिवसांपूर्वी अजित पवार यांचे सुपुत्र पार्थ पवार यांनी कुख्यात गुंड गजानन मारणेची भेट घेतल्याचे फोटो आणि विडिओ व्हायरल झाले होते. त्यानंतर स्वतः अजित पवार यांनी पार्थ पवारांचे कान टोचले होते, सोबतच अश्या प्रकारच्या भेटी टाळल्या पाहिजेत, अशी समज देखील कार्यकर्त्यांना दिली होती. परंतु स्वतः अमित शहा यांनी एक आठवडा पूर्वी घातलेल्या बंदीच्या संबंधित संशयित आरोपीचीच अजित पवारांनी भेट घेतल्यानंतर राजकीय वर्तुळात कुजबूज सुरु झाली आहे.
श्रीकांत शिंदेंच्या वाढदिवशी ‘वर्षा’वर गुंड, भेट घडवणाऱ्या युवासेना पदाधिकाऱ्याची हकालपट्टी
स्टुडंट्स इस्लामिक मूव्हमेंट ऑफ इंडिया ही संघटना कट्टरतावादी इस्लामी संघटना असून भारत सरकारने या संघटनेवर २००१ साली ‘दहशतवादी’ संघटना असल्याच्या कारणास्तव बंदी घातली आहे. तर एक आठवड्यापूर्वी केंद्रीय गृहमंत्री अमित शाह यांनी या संघटनेवरील बंदी पाच वर्षांनी वाढवली आहे. याची माहिती अमित शाह यांनी स्वतः ट्विट करून दिली होती. मात्र एकीकडे कल्याण पूर्वचे आमदार गणपत गायकवाड आणि शिवसेना शहरप्रमुख महेश गायकवाड यांच्यातील गोळीबाराचा प्रकार ताजा असताना श्रीकांत शिंदे यांनी गुंड हेमंत दाभेकरची भेट घेतली होती. याची माहिती माध्यमांमध्ये पसरल्यानंतर आता पुन्हा उपमुख्यमंत्री अजित पवार यांचे आसिफ दाढी याच्या सोबतचे फोटो व्हायरल होत आहे. म्हणून आता अजित पवार काय भूमिका मांडणार हे पाहणं महत्त्वाचं ठरणार आहे.
Read Latest Maharashtra News Updates And Marathi News