‘दर संरचनेला तर्कसंगत बनवण्यासाठी सर्व निवासी विभागांमध्ये दरांत थोडी वाढ करण्याचे आम्ही सुचवले आहे. पण हे फक्त प्रस्तावित दर आहेत आणि याबाबतचा अंतिम निर्णय महाराष्ट्र वीज नियामक आयोग घेईल, जो आमच्या ग्राहकांच्या हिताचा असेल’, असे कंपनीचे म्हणणे आहे.

ललित कला केंद्रातील तोडफोडीवेळी कडक कारवाई नाही, पुण्यात पोलीस उपनिरीक्षक निलंबित

२०२० च्या आदेशानुसार मात्र दरवाढ कमी

वीज वितरण कंपन्यांची दरनिश्चिती ही पंचवार्षिक असते. यानुसार, सन २०२०-२१ ते २०२४-२५ साठीची दरनिश्चिती १ एप्रिल २०२० रोजी झाली. याच दरांचा २०२३-२४मध्ये मध्यकालीन आढावा घेऊन त्यानुसार नवे दर प्रस्तावित करण्याची मुभा कंपन्यांना होती. त्यानुसार, मुंबईसह राज्यभर वीज वितरण करणाऱ्या चारही कंपन्यांचे नवे दर १ एप्रिल २०२३पासून लागू झाले होते. त्यात दर महागडे असल्याने त्यावर स्थगिती आणावी, अशी टाटा पॉवरने वीज अपीलेट लवादाकडे (अॅप्टेल) मागीलवर्षी याचिका केली होती. त्यानुसार, अॅप्टेलने टाटा पॉवरच्या २०२३-२४च्या दरांना अंतरिम स्थगिती दिली व २०२०-२१साठीचे दरच २०२३-२४साठी लागू करण्याचे निर्देश दिले होते. त्यामुळे २०२३-२४मध्ये टाटा पॉवरच्या मुंबईतील साडे सात लाख ग्राहकांसाठी वीज दर वेगवेगळ्या श्रेणीत १४ ते ३१ टक्क्यांनी घटले होते. त्या तुलनेत आताचे प्रस्तावित दर अधिक आहेत. मात्र याच २०२० च्या आदेशात २०२४-२५ साठीचे दर घोषित झाले होते. त्या तुलनेत आत्ताची दरवाढ कमी आहे.

सन २०२४-२५साठी प्रस्तावित प्रतियुनिट दर असे (वीज शुल्क + वहन आकार)

(किरकोळ घरगुती रहिवाशांसाठी)

श्रेणी (युनिट) चालू २०२० आदेशान्वये प्रस्तावित टक्के वाढ

०-१०० ३.३४ ६.५३ ७.३७ १२१.६६

१०१-३०० ५.८९ ९.०३ ९.०३ ५३.३१

३०१-५०० ९.३४ १२.२३ १०.२१ ९.३१

५०० अधिक १०.०४ १२.८३ १०.२८ २.३९