नागपूर: हुडकेश्वर पोलीस ठाण्यांतर्गत असलेल्या रोटकर ले-आऊट येथील एका व्यावसायिकाच्या घरात रात्री ५ ते ६ सशस्त्र आरोपींनी जबरदस्तीने शिरून प्रथम त्यांना जखमी करत बंधक बनवले. नंतर घरात ठेवलेली आठ लाखांची रोकड घेऊन फरार झाले. या अज्ञात दरोडेखोरांचा शोध घेऊन त्यांना जेरबंद करता यावे, यासाठी पोलीस परिसरात लावण्यात आलेले सीसीटीव्ही फुटेज तपासून आरोपींचा शोध घेत आहे.
मिळालेल्या माहितीनुसार, हुडकेश्वर पोलीस ठाण्याअंतर्गत न्यू ओम नगर रोटकर ले-आऊटमध्ये दुरूगकर कुटुंब राहतात. या कुटुंबात तक्रारदार अमित दुरुगकर, त्याची आई कल्पना, मोठा भाऊ स्वनील, त्याची पत्नी आणि त्यांची एक लहान मुलगी आहेत. अमित नेताजी फुल मार्केटमध्ये होलसेल फुल विक्री करण्याचे काम करतो. काल रात्री जेवण करून संपूर्ण कुटुंब झोपले होते. दरम्यान रात्री दीडच्या सुमारास ५ ते ६ सशस्त्र आरोपी त्यांच्या घरी पोहोचले. त्यांनी बाहेरून मिटरमधून लाईट बंद केली. अमित आणि त्याची आई कल्पना घरी झोपले होते.
लाईट बंद झाल्याने अमितची आई जागी झाली असता तिला फक्त आपल्याच घरची लाईट बंद असल्याचे लक्षात आले. त्यानंतर अमितच्या आईने वरच्या मजल्यावर राहणारा तिचा मोठा मुलगा स्वप्नील याला फोन करून लाईट बंद झाल्याची माहिती दिली. त्याचवेळी अमितने दरवाजा उघडून बाहेर बघितले असता अज्ञात आरोपींनी जबरदस्तीने घरात प्रवेश केला. मात्र, तत्पूर्वी आरोपींनी वरच्या मजल्यावर राहणारा फिर्यादीचा भाऊ स्वप्नील याच्या खोलीला बाहेरून कडी लाऊन दार बंद केले होते.
मिळालेल्या माहितीनुसार, हुडकेश्वर पोलीस ठाण्याअंतर्गत न्यू ओम नगर रोटकर ले-आऊटमध्ये दुरूगकर कुटुंब राहतात. या कुटुंबात तक्रारदार अमित दुरुगकर, त्याची आई कल्पना, मोठा भाऊ स्वनील, त्याची पत्नी आणि त्यांची एक लहान मुलगी आहेत. अमित नेताजी फुल मार्केटमध्ये होलसेल फुल विक्री करण्याचे काम करतो. काल रात्री जेवण करून संपूर्ण कुटुंब झोपले होते. दरम्यान रात्री दीडच्या सुमारास ५ ते ६ सशस्त्र आरोपी त्यांच्या घरी पोहोचले. त्यांनी बाहेरून मिटरमधून लाईट बंद केली. अमित आणि त्याची आई कल्पना घरी झोपले होते.
लाईट बंद झाल्याने अमितची आई जागी झाली असता तिला फक्त आपल्याच घरची लाईट बंद असल्याचे लक्षात आले. त्यानंतर अमितच्या आईने वरच्या मजल्यावर राहणारा तिचा मोठा मुलगा स्वप्नील याला फोन करून लाईट बंद झाल्याची माहिती दिली. त्याचवेळी अमितने दरवाजा उघडून बाहेर बघितले असता अज्ञात आरोपींनी जबरदस्तीने घरात प्रवेश केला. मात्र, तत्पूर्वी आरोपींनी वरच्या मजल्यावर राहणारा फिर्यादीचा भाऊ स्वप्नील याच्या खोलीला बाहेरून कडी लाऊन दार बंद केले होते.
आरोपींनी प्रथम अमितला जखमी करत त्याला बंधक केले. एका आरोपीने फिर्यादीच्या आईच्या गळ्याला कोयता लावला आणि तिला गप्प राहण्यास सांगितलं. यावेळी स्वप्नीललाही खालून ओरडण्याचा आवाज आल्याने त्याने तत्काळ पोलीस नियंत्रण कक्षाच्या क्रमांकावर फोन करून घटनेची माहिती दिली. आरोपींनी अमितला बंधक बनवून घरात ठेवलेल्या मौल्यवान वस्तूंबाबत विचारणा केली असता बेडरूममध्ये शिरले. त्यांना तिथे आठ लाखांची रोकड आढळून आली. यानंतर त्यांनी ती घेऊन तात्काळ तिथून पळ काढला.
जवळच्या परिसरात लावण्यात आलेल्या सीसीटीव्ही फुटेजमध्ये आरोपी तेथून पळताना दिसत आहेत. या घटनेची माहिती मिळताच वरिष्ठ पोलीस अधिकारी घटनास्थळी पोहोचले. जखमीला उपचारासाठी वैद्यकीय रुग्णालयात आले. परिसरात लावण्यात आलेल्या सीसीटीव्ही फुटेजवरून मिळालेल्या सुगावाच्या आधारे पोलीस या अज्ञात दरोडेखोरांचा विरोधात गुन्हा दाखल करून त्यांचा शोध घेत आहेत.