नागपूर : नागपूरात नवीन पोलीस आयुक्त आल्यानंतर दोन हत्येची घटना घडली आहे. त्यामुळे अशा परीस्थितीत पोलीस आयुक्त डॉ. रवींद्रकुमार सिंघल यांच्यापुढे नवे आव्हान निर्माण झाले आहे. वाठोडा पोलीस ठाण्याच्या हद्दीत गुरुवारी रात्री झालेल्या दुहेरी हत्येला २४ तास उलटत नाही तर काल शुक्रवारी रात्री शहरात आणखी एका हत्येची घटना घडली आहे. शहरातील कपिलनगर पोलीस ठाण्याच्या हद्दीत दारू पिण्यासाठी पैसे न दिल्याने आरोपीने एका व्यक्तीची हत्या केली. मंगेश गणेश मेंढे (४५, उन्नती कॉलनी, समतानगर) असं हत्या झालेल्या व्यक्तीचं नाव आहे. तर दत्तू उर्फ राहुल रमेश रामटेके (१९, मानवनगर, टेकनाका) असं आरोपीचं नाव आहे.
पोलिसांकडून मिळालेल्या माहितीनुसार, मृतक मंगेश मेंढे हा वाळूचा व्यवसाय करायचा. तसेचअवैध सट्टेबाजीही करायचा. आरोपी राहुलसोबत तो देखील गुन्हेगारी प्रवृत्तीचा आहे. मृतक मंगेश आणि आरोपी यांच्यात मैत्री होती. शुक्रवारी रात्री आरोपी राहुल मंगेशच्या घरी पोहोचला असता त्याने त्याच्या खांद्यावर हात ठेवून त्याला आधी घराबाहेर आणले. त्यानंतर दोघे टेकानाक्याजवळ आले. दरम्यान, आरोपी राहुलने मंगेशकडे दारू पिण्यासाठी पैसे मागितले. मात्र, मंगेशने पैसे देण्यास नकार दिला. याचा राग मनात धरून आरोपी राहुलने रस्त्याच्या मधोमध जवळच असलेल्या चाकूने मंगेशवर अनेक वार करून गंभीर जखमी केले आणि तेथून पळ काढला.
पोलिसांकडून मिळालेल्या माहितीनुसार, मृतक मंगेश मेंढे हा वाळूचा व्यवसाय करायचा. तसेचअवैध सट्टेबाजीही करायचा. आरोपी राहुलसोबत तो देखील गुन्हेगारी प्रवृत्तीचा आहे. मृतक मंगेश आणि आरोपी यांच्यात मैत्री होती. शुक्रवारी रात्री आरोपी राहुल मंगेशच्या घरी पोहोचला असता त्याने त्याच्या खांद्यावर हात ठेवून त्याला आधी घराबाहेर आणले. त्यानंतर दोघे टेकानाक्याजवळ आले. दरम्यान, आरोपी राहुलने मंगेशकडे दारू पिण्यासाठी पैसे मागितले. मात्र, मंगेशने पैसे देण्यास नकार दिला. याचा राग मनात धरून आरोपी राहुलने रस्त्याच्या मधोमध जवळच असलेल्या चाकूने मंगेशवर अनेक वार करून गंभीर जखमी केले आणि तेथून पळ काढला.
या घटनेची माहिती परिसरातील रहिवाशांनी पोलिसांना दिली होती. मात्र, पोलीस घटनास्थळी पोहोचण्यापूर्वीच मंगेशच्या कुटुंबीयांनी आणि तेथील नागरिकांनी त्याला रुग्णालयात नेले असता डॉक्टरांनी तपासून त्याला मृत घोषित केले. या प्रकरणी कपिलनगर पोलिसांनी गुन्हा दाखल करून आरोपी राहुल रामटेके याला अटक केली आहे. आरोपी राहुल हा गुन्हेगारी प्रवृत्तीचा असून त्याचा भाऊही एका खुनाच्या गुन्ह्यात कारागृहात शिक्षा भोगत असल्याचं सांगण्यात येत आहे.
आमदार गायकवाडांची आवाजाची चाचणी घ्यायचीय, पोलिसांची मागणी; गणपत गायकवाडांना इतक्या दिवसांची पोलीस कोठडी