म. टा. वृत्तसेवा, मनमाड: ‘तुमच्या मुलाने एका मुलीचे अपहरण करून तिच्यावर बलात्कार केला असून, आम्ही त्याला ताब्यात घेतले आहे. आमच्या खात्यावर ताबडतोब ऑनलाइन पैसे पाठवा, अन्यथा मुलाचे हात पाय तोडू,’ असा धमकीचा फोन एका महिलेला आला. कॉलवर मुलाला मारण्यासह त्याच्या आवाजात रडत आईकडे मदतीची याचनाही केली. हा फोन ऐकून माता हबकून गेली. मात्र, महिलेची मुलगी आणि सामाजिक कार्यकर्त्यांच्या जागरुकतेमुळे हा फसवणुकीचा प्रकार असल्याचे समोर आले आणि मातेचा जीव भांड्यात पडला.
चोरटे ऑनलाइन फसवणुकीचे नवनवीन प्रकार शोधत आहेत. त्यात आणखी नव्या प्रकाराची भर पडली आहे. येथील चंद्रावती शुक्ला यांच्या पतीचे निधन झाले असून, त्यांची विवाहित मुलगी अमिता यांच्यासोबत राहतात. सामाजिक कार्यकर्ते पोपट बेदमुथा यांचे ते शेजारी आहेत. शनिवारी सकाळी अमिता शाळेत गेल्या असता आई चंद्रावती यांना अनोळखी क्रमांकवरून कॉल आला की ‘तुमच्या पुणे येथे असलेल्या मुलाने एका मुलीचे अपहरण केले असून, तिच्यावर बलात्कार केला आहे. त्याला आम्ही पकडले असून तुम्ही तत्काळ अमूक क्रमांकावर पैसे पाठवा, नाहीतर आम्ही त्याचे हात पाय तोडू.’ हा फोन ऐकून माता हादरून गेली. त्यांचे शारीरिक व मानसिक स्वास्थ्य बिघडले.
चोरटे ऑनलाइन फसवणुकीचे नवनवीन प्रकार शोधत आहेत. त्यात आणखी नव्या प्रकाराची भर पडली आहे. येथील चंद्रावती शुक्ला यांच्या पतीचे निधन झाले असून, त्यांची विवाहित मुलगी अमिता यांच्यासोबत राहतात. सामाजिक कार्यकर्ते पोपट बेदमुथा यांचे ते शेजारी आहेत. शनिवारी सकाळी अमिता शाळेत गेल्या असता आई चंद्रावती यांना अनोळखी क्रमांकवरून कॉल आला की ‘तुमच्या पुणे येथे असलेल्या मुलाने एका मुलीचे अपहरण केले असून, तिच्यावर बलात्कार केला आहे. त्याला आम्ही पकडले असून तुम्ही तत्काळ अमूक क्रमांकावर पैसे पाठवा, नाहीतर आम्ही त्याचे हात पाय तोडू.’ हा फोन ऐकून माता हादरून गेली. त्यांचे शारीरिक व मानसिक स्वास्थ्य बिघडले.
पुण्यातील मोठ्या आयटी कंपनीत काम करणारा आपला विवाहित तरुण मुलगा असे कसे करेल, असा प्रश्न पडण्यापूर्वीच त्यांना पुन्हा सहा ते सात कॉल आले. फोन करणाऱ्याने मुलाला मारत असल्याचे भासवले. मारण्याचा आवाज व मुलाचा ‘बचाव बचाव’ ओरडणेही ऐकवले. हे ऐकून आई गर्भगळीत झाली. त्यांनी धायमोकलून रडणे सुरू केले व मुलगी अमिता यांना फोन केला. त्या शाळेतून घरी आल्या. यादरम्यान त्यांनी भावाला फोन केला पण तो लागला नाही. यामुळे मनात शंकेची पाल चुकचुकली. सामाजिक कार्यकर्ते पोपट बेदमुथा त्यांच्या मदतीला धावले. त्यांनी त्या कुटुंबाला धीर दिला. अमिता यांनी आईला धीर देत एक रुपयाही न पाठवण्याचा निर्णय घेतला. या दरम्यान सारखे फोन, धमक्या, रडण्याचे आवाज सुरू होते. अखेर पुन्हा पुन्हा मुलाला फोन लावला आणि त्याने मी ड्युटीवर असून, असे काहीही घडले नसल्याचे आईला सांगितले. त्यानंतर सर्वांचा जीव भांड्यात पडला. यामुळे मोठी आर्थिक फसवणूक टळली. प्रकरण पोलिस ठाण्यापर्यंत गेल्यावर समोरच्या व्यक्ती ‘आऊट ऑफ कव्हरेज’ झाल्या. पोलिसांनी फेक कॉलकडे लक्ष न देण्याचा सल्ला शुक्ला यांना दिला.