या वेळी स्थानिक मागण्यांसाठी आंदोलन चालू ठेवून ‘हिट अँड रन’बाबत राज्य पातळीवरून आंदोलनाची घोषणा झाल्यास शहर आणि ग्रामीण भागांतील सर्व रिक्षाचालक आंदोलनात सहभागी होतील, असा निर्णय या बैठकीत घेण्यात आला.
नेरूळ-उरण रेल्वेलाही १२ जानेवारीचा मुहूर्त? पंतप्रधानांच्या हस्ते लोकार्पण होण्याची शक्यता
राज्यस्तरीय नेत्यांशी ऑनलाइन संवाद

या बैठकीत हिट अँड रन या प्रकरणात आंदोलनबाबत स्थानिक रिक्षा संघटनेच्या पदाधिकारी यांनी नागपूरचे विलास भालेकर, मुंबईचे शशांक राव, पिंपरी-चिंचवडचे बाबा कांबळे, नांदेडचे नरेंद्र गायकवाड यांच्याशी ऑनलाइन संवाद साधला. या वेळी राज्य पातळीवरून याबाबत निर्णय घेण्याचीही चर्चा करण्यात आली.

आरटीए कमिटीची बैठक घ्या

शहरात प्रवासी वाहतूक करणाऱ्या रिक्षाचालकांना स्टॅँड नाही. प्रवासी मुख्य रस्त्यावरील कोणत्या ड्रॉप पॉइंटवर सोडावे, हे माहिती नाही. शेअरींग रिक्षाचे दर जाहीर झालेले नाहीत; तसेच ई-रिक्षाबाबत काय नियम असावेत? याचीही माहिती समोर आलेले नाही. या सर्व स्थानिक मुद्द्यांवर जिल्हाधिकारी कार्यालयावर मोर्चा काढण्याचाही निर्णय या बैठकीत घेण्यात आला आहे.