काय आहे प्रकरण?

मिळालेल्या माहितीनुसार, वारजे माळवाडी परिसरात राहणाऱ्या ३३ वर्षीय विवाहित महिलेने याबाबत पोलिसांकडे तक्रार दिली आहे. २०१९ साली तिचा विवाह झाला होता. सुरुवातीला सर्व काही सुरळीत असल्याचे भासत होते; मात्र काही दिवसांनंतर पती आणि सासरच्या मंडळींकडून तिचा छळ सुरू झाल्याचा आरोप तिने तक्रारीत केला आहे. सतत टोमणे मारणे, शिवीगाळ करणे आणि अपमानास्पद वागणूक देणे असे प्रकार घडत असल्याचेही तिने नमूद केले आहे.

परस्त्रीशी संबंध असल्याचा संशय

महिलेच्या म्हणण्यानुसार, पतीकडून वारंवार अपमान आणि मारहाण केली जात होती. पतीचे परस्त्रीशी संबंध असल्याच्या संशयातून विचारपूस केल्यास मारहाण सहन करावी लागत होती. तसेच सासू आणि दीरांकडूनही मानसिक त्रास दिला जात असल्याचा आरोप आहे. घरातील वातावरण इतके तणावपूर्ण झाले होते की अनेक वेळा तिला जीव देण्याचा विचारही मनात आल्याचे तिने पोलिसांना सांगितले आहे.
Solapur Crime : बाथरुममध्ये सिगरेटची 18 थोटकं, खिशात मराठी चिठ्ठी, डॉ. शिरीष वळसंगकर मृत्यू प्रकरणाचं गूढ कायम

१५ लाखांची मागणी

तक्रारीत आणखी एक गंभीर आरोप म्हणजे पैशांची मागणी. सासरच्या मंडळींकडून माहेरून १५ लाख रुपये आणण्याचा दबाव टाकला जात होता. लग्नामध्ये अपेक्षेप्रमाणे मानपान न मिळाल्यावरून टोमणे मारले जात होते. पैसे न आणल्यास आयुष्य कठीण करून टाकू, अशा धमक्याही दिल्या जात असल्याचा दावा तिने केला आहे.

दरम्यान, डिसेंबर २०२५ मध्ये तब्येत बिघडल्यावर पतीने औषधांच्या नावाखाली काही गोळ्या दिल्याचा आरोप महिलेने केला आहे. त्या गोळ्या घेतल्यानंतर काही दिवसांनी तिला तीव्र पोटदुखी आणि रक्तस्त्राव सुरू झाला. रुग्णालयात तपासणी केल्यानंतर गर्भपात झाल्याचे समोर आल्याचे तिने तक्रारीत म्हटले आहे. हा गर्भपात पतीने दिलेल्या गोळ्यांमुळे झाला असावा, असा संशयही तिने व्यक्त केला आहे.

याशिवाय घरात कॅमेरे बसवून व्हिडिओ व्हायरल करण्याची धमकी देणे, सतत अपमान करणे तसेच दीराकडून तिच्यासोबत गैरवर्तन झाल्याचाही आरोप तिने केला आहे.
Crime News : पुण्यातील तरुणीशी इन्स्टावर जुळलं, कुटुंबामुळे ब्रेकअप झाल्याचा समज, युवकाने जुळ्या बहिणीला निर्दयपणे संपवलं
या प्रकरणी रामनगर पोलीस चौकीत पती आणि सासरच्या सहा जणांविरोधात विविध कलमांन्वये गुन्हा दाखल करण्यात आला असून पुढील तपास पोलीस करत आहेत. या घटनेमुळे परिसरात खळबळ उडाली आहे.