मात्र, त्यातील काही त्रुटी होत्या. त्याचा आर्थिक ताळमेळ लागत नव्हता. उपनिबंधक कार्यालयाने त्यांच्या कामकाजाचीही तपासणी केली होती. त्यात २०१९-२० ते २०२१-२२ या तीन वर्षांचे लेखापरीक्षणही झाले होते. त्यामुळे उपनिबंधक कार्यालयाने संस्था अधिनियम १९६० च्या ८९ प्रमाणे संस्था अवसायनात घेण्याविषयी शिफारस केली होती. आई कॅन्सरमुळे आजारी आहे. तिचे ऑपरेशनही झाले आहे. तिला आजारपणातील औषध उपचारासाठी पैसे लागतात. मात्र या पतसंस्थेतून पैसे मिळत नाहीत. स्वतःचे पैसे असून सुद्धा आम्हाला काहीच करता येत नाही. पैशासाठी आंदोलने केली आहेत. पतसंस्था डबघाईला निघाल्याने आता आत्महत्या केल्याशिवाय पर्याय नाही, असे ठेवीदार जयदीप मोहिते म्हणाले.