एमआयडीसी भंडारा परिसरातील या गोदामाची १६ मार्चला दुपारी साडेचार वाजतादरम्यान जिल्हा पुरवठा अधिकाऱ्यांच्या पथकाने छापा टाकला. गोदामाच्या बाहेर गॅस एजन्सीच्या नावाचा फलक नव्हता. गॅस सिलिंडर साठवणुकीसाठी विस्फोटक विभागाचा अधिकृत परवाना नसल्याचे तपासणीत निष्पन्न झाले. या गोदामात मोठा गॅससाठा आढळून आला.

Crime News : एक बायको सोडून गेली, दुसरी गरोदर; बालिकेवर पाच वर्ष अत्याचार, विकृत कीर्तनकारावर गावकरी संतापले, फोटोला जोडे
यामध्ये घरगुती वापराचे ४० रिकामे सिलिंडर, व्यावसायिक वापराचे आठ रिकामे सिलिंडर, पाच किलो वजनाचे पाच लहान सिलिंडर, घरगुती वापराचे दहा किलो वजनाचे दोन भरलेले सिलिंडर, घरगुती वापराचे दहा किलो वजनाचा एक रिकामा सिलिंडर, घरगुती वापराचा पाच किलो वजनाचा एक भरलेला गॅस सिलिंडर असे एकूण ५७ गॅस सिलिंडर आढळून आले.

Nagpur News : खेळताना अचानक तोल गेला, सांडपाण्याच्या खड्ड्यात पडून सहा वर्षीय लेकराचा करुण अंत
यवतमाळ, मलकापुरातही जप्ती
गॅस सिलिंडरचा काळाबाजार रोखण्यासाठी पुरवठा विभागाकडून कसून तपासणी केली जात आहे. याअंतर्गत यवतमाळ आणि मलकापुरात सिलिंडर जप्त करण्यात आले. मलकापूर शहरात २२ ठिकाणी तपासणी करण्यात आली. यावेळी सात हॉटेलवाल्यांकडे अवैधरित्या घरगुती वापराच्या गॅस सिलिंडरचा वापर सुरू असल्याचे आढळून आले. या कारवाईत सात सिलिंडर जप्त करण्यात आले. यवतमाळच्या जिल्हाधिकाऱ्यांनी स्थापन केलेल्या पथकाने २१ सिलिंडर जप्त केले आहेत. उमरसरा भागातील रहिवासी राजू गिरुळकर याच्या घरी घरगुती गॅस सिलिंडरचा साठा असल्याची माहिती अधिकाऱ्यांना मिळाली. या आधारावर छापा टाकून कारवाई करण्यात आली.