नाशिक : नाशिक शहरातील पंचवटी परिसरात एक धक्कादायक घटना घडली झाली आहे. रागाच्या भरात भाच्याने मामाची हत्या केली आहे. या घटनेमुळे नाशिक शहर हादरुन गेलं आहे. बाबुलाल सोमा गावित (वय ७४, रा. पिंपळनेर, ता. साक्री, जि. धुळे) असं मृत्यू झालेल्या मामाचे नाव असून या प्रकरणाचा पुढील तपास पोलीस करत आहेत.
बाबुलाल सोमा गावित हे गेल्या दोन महिन्यांपासून पंचवटीतील हिरावाडी परिसरात आपला भाचा मच्छिंद्र मानभाव याच्याकडे राहत होते. शुक्रवारी दुपारच्या सुमारास ‘तुझ्या मुलाच्या पायाला चटके लागले आहेत, त्याला दवाखान्यात दाखवायला तुझ्याकडे पैसे नाहीत. पण दारू प्यायला पैसे आहेत’ असे मामा बोलल्याचा मच्छिंद्र याला राग आला. रागाच्या भरात मच्छिंद्र याने घरातील पलंगावर बसलेल्या आपल्या मामाला खाली जमिनीवर आपटले. तसेच प्लास्टिकची झाडाची कुंडी मारुन फेकली. या घटनेत गंभीर जखमी झाल्याने मामाचा काही वेळातच मृत्यू झाला.
बाबुलाल सोमा गावित हे गेल्या दोन महिन्यांपासून पंचवटीतील हिरावाडी परिसरात आपला भाचा मच्छिंद्र मानभाव याच्याकडे राहत होते. शुक्रवारी दुपारच्या सुमारास ‘तुझ्या मुलाच्या पायाला चटके लागले आहेत, त्याला दवाखान्यात दाखवायला तुझ्याकडे पैसे नाहीत. पण दारू प्यायला पैसे आहेत’ असे मामा बोलल्याचा मच्छिंद्र याला राग आला. रागाच्या भरात मच्छिंद्र याने घरातील पलंगावर बसलेल्या आपल्या मामाला खाली जमिनीवर आपटले. तसेच प्लास्टिकची झाडाची कुंडी मारुन फेकली. या घटनेत गंभीर जखमी झाल्याने मामाचा काही वेळातच मृत्यू झाला.
मच्छिंद्र याने मामाला संपवल्यानंतर मृतदेह शुक्रवारी दिवसभर घरातच ठेवला होता. पोलिसांकडे तक्रार देण्यासही कोणी पुढे येत नव्हते. अखेर शनिवारी नाशिक जिल्हा शासकीय रुग्णालयात दाखल केले आणि रविवारी शवविच्छेदन अहवाल प्राप्त झाला. त्यानंतर नाशिकमधील पंचवटी पोलिसांनी भाचा मच्छिंद्र मानभाव याच्या विरोधात हत्येचा गुन्हा दाखल करून त्याला अटक केली. या घटनेनं मात्र नाशिक शहरात एकच खळबळ उडाली आहे.
दरम्यान, मामा गावित यांना दुखापतीनंतर नाशिक येथील सिव्हील हॉस्पिटल येथे उपचारासाठी दाखल केले. पण डॉक्टरांनी तपासून मयत घोषित केले. सिव्हील हॉस्पिटल नाशिक येथे मयताचे शवविच्छेदन झाले. पोटात मार लागल्याने अंतर्गत रक्तस्त्राव होऊन मृत्यू झाला असा अहवाल दिला. इंदुबाई सुखदेव खाणे (६७) यांच्या तक्रारीवरून पंचवटी पोलिसांनी आरोपी मच्छिंद्र याच्याविरोधात गुन्हा दाखल करण्यात आला आहे.
भाजपकडून शिवसेना, राष्ट्रवादीच्या आमदारांना रेशीमबागेत आमंत्रण; पण अजितदादांच्या गटाची कार्यक्रमाला दांडी