नव्या जेट्टीसाठी महाराष्ट्र मॅरिटाइम बोर्डाने निविदा काढली आहे. या निविदेनुसार, संबंधित कंत्राटदाराला जवळपास ३० मीटर लांबीची नवीन जेट्टी सध्याच्या जेट्टीच्या उत्तरेकडे बांधायची आहे. जेट्टीच्या दोन्ही बाजूला जवळपास साडे पाच मीटरचा उतार असेल. एकूण ५८०.०४ चौरस मीटरची जेट्टी असेल. ९ कोटी ५९ लाख ६८ हजार ७७८ रुपये यासाठी खर्च केले जाणार आहेत. २८ डिसेंबर ही निविदा भरण्याची अखेरची तारिख आहे. याखेरीज प्रत्येकी २०० वॉट क्षमतेचे चार मोठे प्रकाशदिवे १२.५० मीटरच्या उंचीवर आणि ४५ वॉट क्षमतेचे १० पथदिवे सहा मीटरच्या उंचीवर उभे करायचे आहेत.

रो-रो सेवाही सुरू करता येणार

दरम्यान, ही जेट्टी फेरी बोटीखेरीज भविष्यातील रो-रो सेवेसाठीदेखील असेल. यासाठीच तेथे टर्मिनल इमारतही उभी होणार असून त्याचादेखील निविदेत समावेश आहे.

ना तेजस्वी प्रकाश, ना स्वर्ग, मृत्यूनंतर नेमकं काय होतं? २४ मिनिटं मृतावस्थेत राहिलेल्या महिलेने सगळंच सांगितलं
Read Latest Maharashtra News And Marathi News