जूनपर्यंत पुरवठा बंद

मुंबईसह उपनगरातील रेल्वे स्थानकांवर अंबरनाथ येथील कारखान्यामधून रेल नीरच्या बाटलीबंद पाण्याचं उत्पादन केलं जातं. पण आता मागणीनुसार बाटल्यांचा पुरवठा कमी होत असल्यामुळे काही रेल्वे स्थानकांवरील विक्री थांबवण्यात येणार आहे. अंबरनाथ प्लांट चालवणाऱ्या IRCTCने याबद्दल अधिकृत माहिती दिली आहे. यानुसार 10 मार्च ते 30 जूनपर्यंत अनेक स्थानकं व ट्रेनमध्ये रेल नीरची विक्री थांबणार आहे. हे निर्बंध पश्चिम रेल्वेच्या बोरिवली ते सुरत आणि मध्य रेल्वेच्या ठाणे ते कर्जतदरम्यान रेल्वे स्थानकांवर हे बाटलीबंद पाणी मिळणार नाही. त्याऐवजी खासगी कंपन्यांचं बाटलीबंद पाणी विकत घ्यावं लागणार आहे.Mumbai-Ahmedabad Bullet Train: जपानऐवजी भारतातच बनवणार देशातील पहिली बुलेट ट्रेन; मुंबई-अहमदाबाद मार्गावरील पहिला टप्पा 2027मध्ये

रेल्वेच्या आवारात खासगी कंपन्यांच्या बाटलीबंद पाण्याच्या विक्रीवर बंदी आहे. रेल नीरचे पाणी 14 रुपये प्रति लीटर विकले जात असून इतर खासगी कंपन्यांच्या बाटल्या 15 पासून अधिक दरात विकल्या जातात. मध्य रेल्वेवर सीएसएमटी ते कर्जत-कसारा, हार्बरवरील सर्व स्थानकं आणि पश्चिम रेल्वेच्या चर्चगेट ते विरार रेल्वे स्थानकांदरम्यान रेल नीर विकले जात आहे. यासाठी दररोज अंबरनाथमधून 14,500 कार्टन पुरवले जातात. इतकीच उत्पादन क्षमता आहे. प्रत्येक कार्टनमध्ये 12 बाटल्या असतात. उन्हाळ्याच्या दिवसात दररोज रेल्वे स्थानकांवर 4,500-5000 कार्टनपेक्षा जास्त बाटल्यांची मागणी होते. त्यामुळे रेल नीरचा तुटवडा होत आहे.

Indian Railway: रेल्वेतील खाद्यसेवा स्थगित होण्याची भीती; IRCTCच्या मुंबईतील किचनमध्ये गॅस तुटवडा

नवीन लाइनसाठी मान्यता

IRCTCकडून दरवर्षी उन्हाळ्याच्या दिवसांत पाणी पुरवठा 10 ते 12 दिवस कमी केला जातो. पण पहिल्यांदाच 3 महिन्यांसाठी विक्री बंद करण्यात आली आहे. दरम्यान, अंबरनाथमधील प्लांटमध्ये सध्या दुसऱ्या उत्पादन लाइनसाठी मान्यता देण्यात आली आहे. ही लाइन सुरू होताच दररोज, 29,000 बाटल्यांचं उत्पादन वाढणार आहे. या महिन्यात या लाइनसाठी काम सुरू करण्यात आलं असून एका वर्षात ते पूर्ण होण्याची शक्यता आहे.