म. टा. वृत्तसेवा, चंद्रपूर : सरकारने आश्वासन देऊनही ओबीसींच्या मागण्या पूर्ण न केल्याने राष्ट्रीय ओबीसी महासंघाचे चिमूर तालुका अध्यक्ष अक्षय लांजेवार व अजित सुकारे यांनी अन्नत्याग आंदोलन सुरू केले आहे. क्रांतिभूमी चिमूरमधील तहसील कार्यालयाशेजारी हे आंदोलन केले जात आहे.
चंद्रपूर येथे ओबीसींच्या मागण्यांसाठी राष्ट्रीय ओबीसी महासंघाचे रवींद्र टोंगे, विजय बल्की आणि प्रेमानंद जोगी यांनी ११ सप्टेंबरपासून आंदोलन सुरू केले होते. सुमारे वीस दिवस हे आंदोलन चालले होते. सरकारने मुंबईत ओबीसी नेत्यांशी चर्चा करून मागण्यापूर्तीचे आश्वासन दिले होते. उपमुख्यमंत्री देवेंद्र फडणवीस यांनी ३० सप्टेंबरला चंद्रपुरात येऊन तिन्ही आंदोलकांचे आंदोलन सोडविले होते. दोन महिन्यांचा कालावधी उलटूनही सरकारने मागण्या मान्य केल्या नाही. याच्या निषेधात परत अन्नत्याग आंदोलन सुरू करण्यात आल्याने वातावरण तापण्याची चिन्हे आहेत. या आंदोलनाची सुरुवात होण्यापूर्वी चिमूरमधील श्रीहरी बालाजी महाराज यांचे दर्शन घेऊन ओबीसी कार्यकर्त्यांनी रॅली काढली होती. यात राष्ट्रीय ओबीसी महासंघाचे राष्ट्रीय महासचिव सचिन राजूरकर, राज्य उपाध्यक्ष डॉ. सतीश वारजूकर, ओबीसी कर्मचारी महासंघाचे राष्ट्रीय अध्यक्ष शाम लेंडे, राष्ट्रीय ओबीसी प्रदेश कार्याध्यक्ष दिनेश चोखारे, दिनेश कष्टी, माधव डुकरे, अशोक सोनटक्के व मारोती अतकरे उपस्थित होते
एक लाख स्वाक्षरींचे निवेदन पाठविणार
चंद्रपूर येथे ओबीसींच्या मागण्यांसाठी राष्ट्रीय ओबीसी महासंघाचे रवींद्र टोंगे, विजय बल्की आणि प्रेमानंद जोगी यांनी ११ सप्टेंबरपासून आंदोलन सुरू केले होते. सुमारे वीस दिवस हे आंदोलन चालले होते. सरकारने मुंबईत ओबीसी नेत्यांशी चर्चा करून मागण्यापूर्तीचे आश्वासन दिले होते. उपमुख्यमंत्री देवेंद्र फडणवीस यांनी ३० सप्टेंबरला चंद्रपुरात येऊन तिन्ही आंदोलकांचे आंदोलन सोडविले होते. दोन महिन्यांचा कालावधी उलटूनही सरकारने मागण्या मान्य केल्या नाही. याच्या निषेधात परत अन्नत्याग आंदोलन सुरू करण्यात आल्याने वातावरण तापण्याची चिन्हे आहेत. या आंदोलनाची सुरुवात होण्यापूर्वी चिमूरमधील श्रीहरी बालाजी महाराज यांचे दर्शन घेऊन ओबीसी कार्यकर्त्यांनी रॅली काढली होती. यात राष्ट्रीय ओबीसी महासंघाचे राष्ट्रीय महासचिव सचिन राजूरकर, राज्य उपाध्यक्ष डॉ. सतीश वारजूकर, ओबीसी कर्मचारी महासंघाचे राष्ट्रीय अध्यक्ष शाम लेंडे, राष्ट्रीय ओबीसी प्रदेश कार्याध्यक्ष दिनेश चोखारे, दिनेश कष्टी, माधव डुकरे, अशोक सोनटक्के व मारोती अतकरे उपस्थित होते
एक लाख स्वाक्षरींचे निवेदन पाठविणार
बिहारच्या धर्तीवर महाराष्ट्रातही जातनिहाय जनगणना करा, चार वर्षांत ओबीसी विद्यार्थ्यांच्या अनेक योजना रखडल्या या दोन प्रमुख मुद्द्यांकडे सरकारचे लक्ष वेधण्यासाठी ओबीसी सेवा संघ व इतर ओबीसी संघटना यांच्या माध्यमातून सरकारला एक लाख स्वाक्षऱ्यांचे निवेदन व पोस्टकार्ड पाठविले जाणार आहेत. ओबीसी सेवा संघाचे जिल्हाध्यक्ष प्रा. अनिल डहाके, महासचिव विलास माथनकर, अतुल देऊळकर, अरुण मालेकर यांच्यासह पदाधिकाऱ्यांनी ही माहिती दिली.